Qasym-Jomart Toqaev AÓSShK sammıti aıasynda Palestına Prezıdenti Mahmýd Abbaspen kezdesti, dep habarlaıdy «Adyrna» tilshisi Aqordaǵa silteme jasap.
Prezıdentter Qazaqstan men Palestına arasyndaǵy ózara is-áreketti damytý perspektıvalaryn qarastyryp, qazirgi zamannyń ózekti syn-qaterleri men úrdisteri týraly pikir almasty.
Memleket basshysy ekijaqty baılanystardy odan ári damytýǵa nıetti ekenin jetkizdi.
Óz kezeginde Mahmýd Abbas Qasym-Jomart Toqaevqa jyly qabyldaǵany jáne sammıtti joǵary deńgeıde uıymdastyrǵany úshin alǵysyn bildirdi. Palestına Prezıdenti sammıtte qabyldanatyn sheshimder men qol qoıylatyn qujattar ózara yntymaqtastyqty tereńdetýge yqpal etetinine senimdi.
