شىمقالادا دارىگەرلەر العاش رەت سيرەك كەزدەسەتىن دەرتكە شالدىققان ناۋقاسقا كۇردەلى وتا جاسادى. №2 قالالىق اۋرۋحانا بازاسىندا تىڭ ادىسپەن جاسالعان وپەراتسيا كەزىندە حيرۋرگتار ناركوزدى قاجەت ەتپەيتىن، اسقىنۋلاردى بولدىرتپايتىن حيرۋرگيالىق ەم ءتاسىلىن قولدانعان.
اعىمداعى جىلدىڭ 21 قىركۇيەك كۇنى اتالمىش اۋرۋحانادا 1986 جىلى تۋىلعان ناۋقاس كەلىپ تۇسكەن. پاتسيەنتتىڭ اۋرۋحاناعا تۇسكەن كەزدەگى شاعىمى سۇيەك بۋىندارىنىڭ اۋىرسىنۋى، دەنە ءبىتىمىنىڭ كىشىرەيۋى، بويىنىڭ شوگۋى بولعان.
ونىمەن قوسا ناۋقاس بۇيرەكتىڭ سوزىلمالى شاماسىزدىعى سالدارىنان 9 جىل بويى گەمودياليز قابىلداعان. تەكسەرۋ بارىسىندا سونداي-اق، ناۋقاستا كالتسي-فوسفور الماسۋى بۇزىلعانى انىقتالعان. شۇعىل ارادا دارىگەرلەر كونسيليۋمى قۇرىلىپ، پاتسيەنتتىڭ ءومىرىن امان الىپ قالۋ ءۇشىن دارىگەرلەر كۇردەلى وتا جاساۋعا شەشىم قابىلدايدى.
№2 قالالىق اۋرۋحانا بازاسىندا ناۋقاسقا قالقانشا ماڭى بەزى ارتەريالارىنىڭ ەمبوليزاتسيا وتاسى جاسالىندى. وپەراتسيا ءساتتى اياقتالىپ، سونىڭ ناتيجەسىندە ناۋقاستىڭ اۋىرسىنۋى باسىلعان.
- وپەراتسيادان كەيىن ناۋقاستىڭ سۇيەك بۋىنىنداعى، قانىنداعى پارات-گورمون دەڭگەيى 7 كۇندە 1733 پگ/مل-گە دەيىن تومەندەگەن جانە ودان دا تومەن ءتۇسۋى كۇتىلۋدە. سوندىقتان ناۋقاس قاتاڭ باقىلاۋعا الىنىپ ءار اپتادا قان تالداۋعا الىنۋدا. ءبىر ناۋقاستىڭ ءومىرىن امان الىپ قالۋ ءۇشىن دارىگەرلەر كومانداسى بولىپ جۇمىس ىستەپ، كونسيليۋم قۇردىق- دەدى، دارىگەر/نەفرولوگ ماديار قىستاۋباەۆ.
كونسيليۋم قۇرامىندا بىلىكتى دارىگەرلەر №2 قالالىق اۋرۋحانىڭ باس دارىگەر ورىنباسارى ا. جاكيباەۆ نەفرولوگيا بولىمشەسىنىڭ مەڭگەرۋشىسى، م.ع.ك. ج. رساليەۆا، شىمكەنت قالاسىنىڭ دەنساۋلىق ساقتاۋ باسقارماسىنىڭ شتاتتان تىس نەفرولوگيا بويىنشا باس مامانى م. قىستاۋباەۆ جانە نەفرولوگيا بولىمشەسىنىڭ دارىگەرلەرى ر. كەنەشباەۆا پ. ميرزاحانوۆتار بولدى.
