قر پارلامەنتى ءماجىلىسىنىڭ دەپۋتاتى ءمادي احمەتوۆ توقاەۆتىڭ كانديداتۋراسىن قولدايتىنىن مالىمدەدى، دەپ جازادى "ادىرنا" ۇلتتىق پورتالى.
"قۇرىلتاي ءوتتى. كانديدات انىقتالدى. كواليتسيا قۇرىلدى. قادىرلى دوستار، جىل باسىنان ەلىمىزدىڭ ساياسي ومىرىنە قان جۇگىرىپ، اۋقىمدى وزگەرىستەر ورىن الۋدا. وزگەرىستى وزىنەن باستاعان @amanat.partiyasy كۇنى كەشە جاڭا ساياسي تۇعىرناماسىن قابىلداپ، ستراتەگيالىق ماقسات مىندەتىن ايقىندادى. الدا ۇلكەن ساياسي ناۋقان، بىرلىگىمىز سىنالاتىن، ەلدىڭ كەلەشەگى شەشىلەتىن جاۋاپتى كەزەڭ. بۇل اسىراسىلتەۋشىلىك ەمەس، بارشامىز جان-جاعىمىزدا ورىن الىپ جاتقان گەوساياسي جاعدايدى، قاقتىعىستاردى كورىپ وتىرمىز. سوندىقتان قازىرگى قۇبىلمالى الەمدە ءبىز ىشكى تۇراقتىلىقتى ساقتاپ، جاريالانعان رەفورمالاردىڭ ءىس جۇزىندە جۇزەگە اسقانىڭ قامتاماسىز ەتۋ ءۇشىن اماناتتىقتار رەتىندە مەملەكەت باسشىسىنىڭ كانديداتۋراسىن قولدادىق. باستىسى “اققۋ، شورتان ءھام شايان” كەيپىنە ەنبەي، جان-جاققا تارتپاي، مەملەكەتشىلدىك تۇرعىسىنان ويلاپ، ۇلت بولىپ ۇيىسۋ اسا ماڭىزدى", - دەپ جازدى ءمادي احمەتوۆ ءوزىنىڭ ينستاگرام پاراقشاسىندا.
"ادىرنا" ۇلتتىق پورتالى
