قاراقات ابدەن ورتالىق سايلاۋ كوميسسياسىنا قۇجاتتارىن تاپسىرىپ، نە سەبەپتى كانديدات رەتىندە پرەزيدەنت سايلاۋىنا ءتۇسىپ جاتقانىن ءتۇسىندىردى، دەپ جازادى "ادىرنا" ۇلتتىق پورتالى.
"مەنى ەشكىم مۇنداي قادامعا يتەرگەن جوق. بۇل مەنىڭ ءوزىمنىڭ شەشىمىم، ءوزىمنىڭ ۇستانىمىم. ۇسىنىستى ماعان قوعامدىق بىرلەستىك ايتتى. بۇل قوعامدىق بىرلەستىكپەن ءبىز كوپ جىلدان بەرى ءبىر سالادا جۇمىس ىستەيمىز. قاراستىرىپ جاتقان ماسەلەلەردىڭ ءبارى ءبىر. سوندىقتان ارينە بىردەن قۋانا-قۋانا كەلىستىم. بۇل مەن ءۇشىن ۇلكەن مارتەبە جانە ۇلكەن جاۋاپكەرشىلىك. ال ەندى بولاشاقتاعى سايلاۋدىڭ ناتيجەسى قانداي بولاتىنى ازىرگە بەلگىسىز. مەنىڭ ويىمشا، ساياساتكەر قورىقپاۋ كەرەك، ارقاشاندا دايىن بولۋ كەرەك. مۇنداي لاۋازىمعا ۇمىتكەر بولۋ وڭاي ەمەس، تولقىپ تۇرعانىم راس»، - دەدى قاراقات ابدەن.
"ادىرنا" ۇلتتىق پورتالى
