احمەت بايتۇرسىنۇلى. ۇلاعاتتى ويلار.

اق بولسىن، قىزىل بولسىن، ماعان ءبارىبىر. مەن قازاق مۇددەسىن كوزدەيتىن ۇكىمەتتى عانا جاقتايمىن.

 * * *

قازاقتىڭ باس ادامدارى! اۋەلى، سىزدەر اداسپاڭىزدار، اداسپاس ءۇشىن اقىلداسىپ، ويلانىپ، ىنتىماقپەن ءىس ەتىڭدەر.

* * *

 ۇگىتتى ءبۇتىن جۇرتقا ايتسا دا، ءبىر ادامعا ايتسا دا ۇگىت بولادى.

* * *

 ءبىزدىڭ زامانىمىز – وتكەن زاماننىڭ بالاسى، كەلەر زاماننىڭ اتاسى. اتادان قالعان ميراسىمىزدىڭ جايى ماعلۇم، بالاعا بۇل قالىپتا تۇرىپ نە ميراس قالدىرماقپىز، ونى بولجاۋعا دا ارتىق اۋليەلىك قاجەت ەمەس.

* * *

 ۇلتىن كەرەك قىلىپ، حالىققا قىزمەت ەتەمىن دەگەن قازاق بالالارى – قازاق جۇمىسىنا  قولىنان كەلگەنىنشە قاراپ تۇرماي كىرىسىپ ىستەي بەرسە، ۇلت جۇمىسى ۇلعايىپ، تولىقپاقشى. قازاقتىڭ ءىس قولىنان كەلمەيتىندەرىنە ءسوز جوق، ءىس قولىنان كەلەتىندەرى دە قاراپ جاتىر.

* * *

 ماسەلە مىنادا: قازاقتار اراسىندا حالقى تولىق سەنەتىن جانە جازا باسىپ جاڭىلىسسا دا، جەكە باسىنىڭ يگىلىكتەرى مەن پايداسىن كوزدەپ، ءوز حالقىن ەشقاشاندا سانالى تۇردە ساتىپ كەتپەيتىن زيالىلاردىڭ بەلگىلى ءبىر توبى بار. قازاقتاردىڭ سەنىمىنە يە بولعىسى كەلەتىن ورىس پرولەتارياتى ءۇشىن ەڭ توتە جول – وسى زيالىلار ارقىلى وتەدى.

* * *

 ەلدى تۇزەتۋدى – بالا وقىتۋ ءىسىن تۇزەتۋدەن باستاۋىمىز كەرەك. نەگە دەسەك، بولىستىق تا، بيلىك تە، حالىق تا وقۋمەن تۇزەلەدى.

* * *

 مىنەز – ىشتەن تۋادى، بىراق شىنىعىپ جەتپەي تۇرعاندا مىنەز ءتۇرىن  تاربيەمەن وزگەرتۋگە بولادى. ادامعا تاربيە بەرۋگە اۋەلى: اتا-انا، سونان سوڭ ۇستاز، مەكتەپ، تۇرمىسىنداعى توڭىرەك.

* * *

 ادام بالاسىن: كوكتە قۇستاي ۇشقىزعان، سۋدا بالىقتاي جۇزدىرگەن – عىلىم. ءدۇنيانىڭ ءبىر شەتى مەن ءبىر شەتىنە شاپشاڭ حابار العىزىپ تۇرعان – عىلىم، وت اربا، وت كەمەلەردى جۇرگىزگەن – عىلىم.

* * *

 ءوز تiلiمەن سويلەسكەن، ءوز تiلiمەن جازعان جۇرتتىڭ ۇلتتىعى – ەش ۋاقىتتا ادامى قۇرىماي جوعالمايدى.

Facebook - парақшамызға жазылыңыз!

YouTube - арнамызға жазылыңыз!

Instagram - парақшамызға жазылыңыз!

VK - тобымызға жазылыңыз!

Telegram - арнамызға жазылыңыз!

OK - парақшамызға жазылыңыз!

Twitter - парақшамызға жазылыңыз!

LinkedIn - парақшамызға жазылыңыз!

Басқалармен бөлісе отырыңыз