بۇگىن دراماتۋرگ روزا مۇقانوۆا “ماڭگىلىك بالا بەينە” پەساسىنىڭ جازىلۋىنا ارقاۋ بولعان كەيىپكەرمەن تۇڭعىش رەت ساحنادا كەزدەستى. بۇل تۋرالى ماقپال جۇماباي Facebook پاراقشاسىنا جازدى، دەپ حابارلايدى “ادىرنا” ۇلتتىق پورتالى.
“مەنىڭ سۇيىكتى دراماتۋرگىم Roza Mukanova بۇگىن “ماڭگىلىك بالا بەينە” پەساسىنىڭ جازىلۋىنا ارقاۋ بولعان كەيىپكەرىمەن تۇڭعىش رەت ساحنادا جۇزبە-ءجۇز كەزدەستى. تولقىنىستى ءارى تاريحي ءسات…
بولات اتاباەۆتىڭ ساحنالاۋىنداعى تۋىندىعا مامام بيعايشا مەدەۋ، قاتەلەسپەسەم، باستاۋىش سىنىپتا وقىعانىمدا اپاردى. بالالىق جۇرەگىمدە الاپات توڭكەرىس بولعانى ەسىمدە. سول كۇننەن باستاپ، “ماڭگىلىك بالا بەينە” - مەنىڭ شىندىق پەن ىزگىلىك جولىنداعى جارىق ساۋلەم بولدى. جازۋعا، ونەرگە اۋەستەنۋىمە سەبەپكەر بولدى. ءۇيدىڭ كەرەگەسىنە ادەبي جۋرنالدىڭ مۇقاباسىنا شىققان سۇلۋ جازۋشىنىڭ سۋرەتى ءىلىندى.
كىشكەنتاي ادامنىڭ ومىرىنە وراسان وي جانە جول سالاتىن وسىنداي وقيعالار بولادى. بۇگىن سول وقيعا سانامدا قايتا جاڭعىردى. رەجيسسەر ابزال اسحاتۇلى “قاناتتىلار” ينكليۋزيۆتى تەاترىندا بولمىسى مۇلدەم بولەك “ماڭگىلىك بالا بەينە” جاساپتى. بۇل قويىلىم دا تالاي كورەرمەننىڭ شىندىق پەن ىزگىلىك جولىنداعى جارىق ساۋلەسى بولارى حاق”،- دەپ جازدى ول.
