"Amanat" پارتياسىنىڭ شىمكەنت قالالىق فيليالىندا مەملەكەت باسشىسىنىڭ قازاقستان حالقىنا ارناعان جولداۋىنداعى باسىم باعىتتاردى تالقىلاۋعا ارنالعان جيىن ءوتتى. پارتيانىڭ اباي اۋداندىق فيليالى ۇيىمداستىرعان پىكىرتالاس "زاڭ ۇستەمدىگى جانە ادىلەتتى قوعام" تاقىرىبىندا ءوتتى.
پارتيانىڭ اباي اۋداندىق فيليالىنىڭ اتقارۋشى حاتشىسى ەسىمحان بەرتاەۆ جۇرگىزىپ وتىرعان جيىنعا «AMANAT» پارتياسى شىمكەنت قالالىق فيليالى اتقارۋشى حاتشىسىنىڭ ورىنباسارى ءمۇراتالى قالمۇراتوۆ، قازاقستان وزبەكتەرى «دۋستليك» قاۋىمداستىعىنىڭ توراعاسى، پارتيا بەلسەندىسى يكرام حاشيمجانوۆ،
شىمكەنت قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ «باقىتتى جانۇيا» ورتالىعى ديرەكتورىنىڭ ورىنباسارى ەرلان ءالجانوۆ، «بولاشاق» باستاۋىش پارتيا ۇيىمىنىڭ مۇشەسى، جول-كولىك كوللەدجى ديرەكتورىنىڭ ورىنباسارى بەرىك ەشيموۆ،
«ۇلاعات» باستاۋىش پارتيا ۇيىمىنىڭ مۇشەسى، پارتيا بەلسەندىسى جاقسىلىق ەمباي جانە مۇعالىمدەر، ستۋدەنتتەر قاتىستى.
– قازاقتىڭ باتىر ۇلى باۋىرجان مومىشۇلىنىڭ "تارتىپكە باعىنعان قۇل بولمايدى، ءتارتىپسىز ەل بولمايدى" دەگەن قاناتتى ءسوزى بار. ياعني، كەز كەلگەن قوعامدا ءتارتىپ بولماسا، زاڭ ۇستەمدىگى ورىن الماسا، دامۋ بولمايتىنى بارشاعا بەلگىلى. ءتىپتى، حاوس ورىن الۋى مۇمكىن. سوندىقتان، قوعامدا ءاردايىم ادىلەتتىلىك ورىن الۋى ءتيىس. مەملەكەت باسشىسىنىڭ جولداۋىندا دا وسى ماسەلەلەر كوتەرىلدى. پرەزيدەنتتىڭ باستاماسىمەن ادىلەتتى قازاقستان قۇرۋ جولىندا قولعا الىنعان رەفورمالار ناتيجەسىن بەرىپ كەلەدى. قاسىم-جومارت كەمەلۇلى پرەزيدەنتتىككە ءبىر ادام 7 جىلدىق مەرزىمگە ءبىر رەت سايلانۋى بويىنشا وزگەرىس ەنگىزدى. ءبىر سوزبەن ايتقاندا، زاڭ ۇستەمدىگى بولماسا، قوعام دامۋى كەرى كەتەدى، – دەدى ءمۇراتالى ءورازالىۇلى.
بۇدان كەيىن ءسوز العان يكرام حاشيمجانوۆ جولداۋدا ايتىلعان ءبىرتۇتاس ۇلت بولىپ ۇيىسۋدىڭ ماڭىزدىلىعىنا ەرەكشە توقتالدى.
– ءبىز، قازاقستاندا تۇراتىن بارشا وتانداستار مەملەكەت قالىپتاستىرۋشى قازاق حالقىنىڭ ماڭىنا توپتاسىپ، بىرلىكتىڭ بايراعىن بيىكتەتسەك، مىقتى ەل، دامىعان مەملەكەت بولارىمىز انىق. وسى ۇستانىم ءبىزدىڭ ۇرانىمىزعا اينالۋى كەرەك، – دەدى يكرام اكرامۇلى.
جيىندا باسقا دا سپيكەرلەر جولداۋعا قاتىستى وي-پىكىرلەرىن ورتاعا سالىپ، ءوزارا سۇراق-جاۋاپ الماستى.
