"Amanat" partııasynyń Shymkent qalalyq fılıalynda Memleket basshysynyń Qazaqstan halqyna arnaǵan Joldaýyndaǵy basym baǵyttardy talqylaýǵa arnalǵan jıyn ótti. Partııanyń Abaı aýdandyq fılıaly uıymdastyrǵan pikirtalas "Zań ústemdigi jáne ádiletti qoǵam" taqyrybynda ótti.
Partııanyń Abaı aýdandyq fılıalynyń atqarýshy hatshysy Esimhan Bertaev júrgizip otyrǵan jıynǵa «AMANAT» partııasy Shymkent qalalyq fılıaly atqarýshy hatshysynyń orynbasary Muratáli Qalmuratov, Qazaqstan ózbekteri «Dýstlık» qaýymdastyǵynyń tóraǵasy, partııa belsendisi Ikram Hashımjanov,
Shymkent qalasynyń jumyspen qamtý jáne áleýmettik qorǵaý basqarmasynyń «Baqytty januıa» ortalyǵy dırektorynyń orynbasary Erlan Áljanov, «Bolashaq» bastaýysh partııa uıymynyń múshesi, Jol-kólik kolledji dırektorynyń orynbasary Berik Eshımov,
«Ulaǵat» bastaýysh partııa uıymynyń múshesi, partııa belsendisi Jaqsylyq Embaı jáne muǵalimder, stýdentter qatysty.
– Qazaqtyń batyr uly Baýyrjan Momyshulynyń "Tártipke baǵynǵan qul bolmaıdy, tártipsiz el bolmaıdy" degen qanatty sózi bar. Iaǵnı, kez kelgen qoǵamda tártip bolmasa, zań ústemdigi oryn almasa, damý bolmaıtyny barshaǵa belgili. Tipti, haos oryn alýy múmkin. Sondyqtan, qoǵamda árdaıym ádilettilik oryn alýy tıis. Memleket basshysynyń Joldaýynda da osy máseleler kóterildi. Prezıdenttiń bastamasymen ádiletti Qazaqstan qurý jolynda qolǵa alynǵan reformalar nátıjesin berip keledi. Qasym-Jomart Kemeluly prezıdenttikke bir adam 7 jyldyq merzimge bir ret saılanýy boıynsha ózgeris engizdi. Bir sózben aıtqanda, zań ústemdigi bolmasa, qoǵam damýy keri ketedi, – dedi Muratáli Orazáliuly.
Budan keıin sóz alǵan Ikram Hashımjanov Joldaýda aıtylǵan birtutas ult bolyp uıysýdyń mańyzdylyǵyna erekshe toqtaldy.
– Biz, Qazaqstanda turatyn barsha otandastar memleket qalyptastyrýshy qazaq halqynyń mańyna toptasyp, birliktiń baıraǵyn bıiktetsek, myqty el, damyǵan memleket bolarymyz anyq. Osy ustanym bizdiń uranymyzǵa aınalýy kerek, – dedi Ikram Akramuly.
Jıynda basqa da spıkerler Joldaýǵa qatysty oı-pikirlerin ortaǵa salyp, ózara suraq-jaýap almasty.
