شىمكەنت قالاسىنداعى №41 مەكتەپ-ليتسەيدە قر پرەزيدەنتىنىڭ جولداۋى اياسىندا ءبىلىم سالاسىنىڭ قىزمەتكەرلەرىمەن ارنايى كەزدەسۋ ءوتتى. «امانات» پارتياسى شىمكەنت قالاسى ەڭبەكشى اۋداندىق فيليالىنىڭ سەكتور مەڭگەرۋشىسى مۇحتار اقبەرديەۆ، مەكتەپ مۇعالىمدەرى جولداۋدى جۇزەگە اسىرۋ ماسەلەلەرىن تالقىلاپ، ءبىلىم سالاسىنا جۇكتەلگەن مىندەتتەر بويىنشا ءوزارا پىكىر الماستى.
م.اقبەرديەۆ پرەزيدەنت جولداۋىنداعى ءبىلىم سالاسىن ىلگەرىلەتۋ، ادام كاپيتالىن دامىتۋداعى باسىم باعىتتارعا جان-جاقتى توقتالدى. ەڭبەكشى اۋدانىندا بۇل باعىتتا بارلىق باستاۋىش پارتيا ۇيىمدارىندا كەزدەسۋلەر ۇيىمداستىرىلۋدا.
– جولداۋ اياسىنداعى تاپسىرمالاردى ورىنداۋ بويىنشا اۋداندا باستاۋىش پارتيا ۇيىمدارى، مەكتەپكە دەيىنگى مەكەمەلەر، مەكتەپ مۇعالىمدەرى بەلسەندىلىك تانىتىپ كەلەدى. ەلىمىزدىڭ بولاشاعى – جاس ۇرپاقتى تاربيەلەۋدە ۇستازدارعا جۇكتەلەر مىندەت اۋقىمدى. الداعى ۋاقىتتا پارتيا مۇشەلەرىمەن بىرلەسىپ، جۇمىستار اتقارامىز، – دەدى م.اقبەرديەۆ.
مەكتەپ ديرەكتورى ا.سارىمساقوۆا ءبىلىم سالاسىنا قاتىستى ناقتى تاپسىرمالاردى بىرلەسە ورىنداۋ قاجەتتىگىن ايتتى. تاريح ءپانىنىڭ مۇعالىمدەرى ل.مىرزاقۇلوۆا، ي.باقتىباەۆ ءبىلىمدى ۇرپاقتى تاربيەلەۋ بويىنشا بايانداما جاسادى.
مەكتەپكە دەيىنگى ۇيىمدار، مەكتەپتەردەگى باستاۋىش پارتيا ۇيىمدارى، مەديتسينالىق مەكەمەلەردە كەزدەسۋلەر ودان ءارى جالعاسىن تابادى.
