ۇستازدار كۇنى مەرەكەسى قارساڭىندا وتكەن سالتاناتتى شارادا بقو اكىمى عالي ەسقاليەۆ مارتەبەلى مامان يەلەرىن كاسىبي مەرەكەلەرىمەن قۇتتىقتاپ، العىس حاتتار تابىستادى.
– ۇستازدىق – بۇل جاي عانا ماماندىق يەسى ەمەس، ادام جان-جۇرەگىمەن تاڭداعان اسا جاۋاپتى ماماندىق. وڭىردە 21 مىڭنان استام پەداگوگ، 168 مىڭنان استام ءبىلىم بەرۋ ۇيىمى بار. بارلىعى دا جەمىستى ەڭبەك ەتىپ كەلەدى. كاسىبي مەرەكەلەرىڭىزبەن شىن جۇرەكتەن قۇتتىقتايمىن! – دەگەن عالي ناجىمەدەنۇلى 22 ۇستازعا العىس حات تاپسىردى.
جيىندا «باتىس قازاقستان وبلىسىنىڭ ءبىلىم بەرۋ سالاسىنا قوسقان ۇلەسى ءۇشىن» توسبەلگىسىمەن دارىندى بالالارعا ارنالعان س.سەيفۋللين اتىنداعى №11 وبلىستىق مامانداندىرىلعان مەكتەپ-ليتسەي-ينتەرناتىنىڭ ماتەماتيكا ءپانىنىڭ مۇعالىمى جاقسىمبەت عيززاتوۆ ماراپاتتالىپ، ءبىر جىلدىق سىياقى تابىستالدى.
اعىمداعى جىلدىڭ ۇبت قورىتىندىسىمەن رەسپۋبليكاداعى «ۇزدىك 100» مەكتەپ تىزىمىنە ەنگەن ءبىلىم وردالارىن جانە «Bilim HIGH» تەلەۆيزيالىق جوباسىنىڭ كوماندا جەتەكشىلەرى ماراپاتتالدى.ء
وز كەزەگىندە وبلىستىق ءبىلىم باسقارماسىنىڭ باسشىسى ايگۇل مىڭباەۆا ۇستازدار قاۋىمىن ءتول مەرەكەلەرىمەن قۇتتىقتاپ، العىس ءبىلدىردى.
ۇزدىك 100» مەكتەپ تىزىمىنە ەنگەن ءوڭىر مەكتەپتەرىنىڭ اراسىندا
وبلىستىق دارىندى بالالارعا ارنالعان مامانداندىرىلعان اباي اتىنداعى مەكتەپ-گيمنازيا-ينتەرناتى، دارىندى بالالارعا ارنالعان مامانداندىرىلعان س. سەيفۋللين اتىنداعى №11 وبلىستىق مەكتەپ-ليتسەي-ينتەرناتى، دارىندى بالالارعا ارنالعان مامانداندىرىلعان «ءبىلىم يننوۆاتسيا» مەكتەپ-ليتسەي-ينتەرناتى، تاسقالا اۋدانىنىڭ «ساۋلەت» مەكتەپ-ليتسەيى»، جاڭاقالا اۋدانىنىڭ مەكتەپ-گيمنازياسى، اقجايىق اۋدانىنىڭ اباي اتىنداعى مەكتەپ-گيمنازياسى، قاراتوبە اۋدانىنىڭ مەكتەپ-گيمنازياسى، ورال قالاسىنىڭ مانشۇك مامەتوۆا اتىنداعى №27 مەكتەپ-ليتسەيى، 125 HIGHSCHOOL جەكە مەكتەبى بار.
سونداي-اق «Bilim HIGH» تەلەۆيزيالىق جوباسىنىڭ جەڭىمپاز كوماندالارىنىڭ جەتەكشىلەرى ءبورلى اۋدانىنان ورالحان قاجكەنوۆ، «ءبىلىم-يننوۆاتسيا» مەكتەپ-ليتسەي-ينتەرناتىنان
ديانا حۋساينوۆا، قاراتوبە اۋدانىنان جايناگۇل جۇماباەۆانىڭ ەڭبەكتەرى باعالاندى.
