يزرايل قورعانىس كۇشتەرى حاماس تەرروريستىك ۇيىمىنىڭ اتىستى توقتاتۋ رەجيمىن بۇزعانىن حابارلاپ، رافاح ايماعىنداعى ۇيىم ينفراقۇرىلىمىنا سوققى جاسادى، دەپ حابارلايدى "ادىرنا" ۇلتتىق پورتالى.
تساحال مالىمەتىنشە، حاماس تەرروريستەرى قارسى-تانك زەڭبىرەكتەرىمەن وق جاۋدىرىپ، رافاحتاعى يزرايل كۇشتەرىن اتقىلاعان.
بۇعان جاۋاپ رەتىندە يزرايل اسكەرى اۋە سوققىسىن جاساپ، ارتيللەريادان اتقان. بىرنەشە وپەراتسيالىق شاحتالار مەن اسكەري نىسانداردى جويعان.
كوزبە-كوز كۋاگەرلەر رافاح قالاسىندا قاقتىعىستار مەن ەكى اۋە سوققىسى بولعانىن حابارلادى. يزرايل اسكەري قىزمەتكەرلەرى حاماس سنايپەرلەرى مەن گراناتومەتتەن اتقىلاۋعا ۇشىراعان.
حاماس تاراپىنان بۇل ايىپتاردى جوققا شىعاردى.
ايتا كەتەيىك، گازا سەكتورىندا اتىستى توقتاتۋ كەلىسىمى 10 قازاننان باستاپ كۇشىنە ەنگەن بولاتىن. تساحال اسكەرىن كەرى شەگەرگەن، ال حاماس بارلىق ءتىرى تۇتقىنداردى بوساتىپ، قازا تاپقانداردى پالەستينالىق تۇتقىندارعا ايىرباستاۋعا كىرىسكەن ەدى.
