جۋرناليست ءمولدىر باقىت قوعامدا قالىپتاسقان جاعدايعا قاتىستى ازاماتتىق پىكىر ءبىلدىرىپ، كاسىپتىك قازاق ءتىلى، ۇلتتىق ۇيىسۋ ماسەلەسىن اشىپ جازدى، دەپ حابارلايدى "ادىرنا" ۇلتتىق پورتالى.
- رەسەي قىرىمدى باسىپ العان سوڭ، قازاقستانعا ۋكراين جىگىتتەرى كوپ كەلە باستادى. كوز الدىمدا ءۇش جۋرناليس قىز ۋكراينادان كەلگەن جىگىتتەرگە تۇرمىسقا شىقتى. سودان بەرى وسى ەلدە تۇرادى. ءۇبىرلى-ءشۇبىلى وتباسىعا اينالدى. جاعدايلارى بەس. بيزنەس اشتى، باسقاسىمەن اينالىستى. قازاقستانعا تەز ءسىڭىسىپ كەتتى. بىزدىكىلەر ولاردى مامان رەتىندە دە جوعارى باعالايدى. قازىر كەز كەلگەن قازاقتان جاقسى ءومىر سۇرەدى. جالپى بۇل ەلدە ءورىستىلدى ادامدارعا جەتىستىككە جەتۋ وڭايىراق قوي، - دەدى جۋرناليست.
اۆتور ءوز پىكىرىن قوعامداعى قازاقتىلدىلەردىڭ الەۋمەتتىك ستاتۋسىنا قاتىستى كوزقاراسىمەن ءوربىتتى. بۇل جايىندا:
"سوسىن وسى فب [فەيسبۋك] سەگمەنتتە دە قازاقشا جازاتىن اقىلدى ادامنان(قىزدان), ورىسشا جازاتىن ورتاشا اقىلدى ادام (قىز) الدەقايدا جوعارى باعالانادى. اقىلدى دەگەندە، پافوسقا تولى دۇنيەلەر ەمەس، ادەكۆاتتىلىق تۇرعىسىنان ايتام", - دەدى ءمولدىر باقىت.
