قازاقستاندا 100 جاستاعى جانە ودان دا ۇلكەنىرەك جاستاعى 487 ازامات بار. ەڭ جاسى ۇلكەن قازاقستاندىق تۇركىستان وبلىسىندا تۇرادى، ول 121 جاسقا تولعان تۋعان كۇنىن اتاپ ءوتتى، دەپ حابارلايدى «ادىرنا» ءتىلشىسى.
«ادەتتە، ەلىمىزدىڭ وڭتۇستىك وڭىرىندە ەڭ كوپ ءومىر سۇرەدى دەۋگە بولادى. تۇركىستان وبلىسىندا 100 جانە ودان جوعارى جاستاعى 75 ادام بار. ۇزاق ءومىر سۇرۋشىلەر سانى بويىنشا ەكىنشى ورىندا ەلىمىزدىڭ ەڭ ءىرى قالاسى – الماتى. وندا 100 جاستان اسقان 62 ادام تۇرادى.
ۇزاق ءومىر سۇرەتىندەر سانى بويىنشا ءۇشىنشى ورىندا الماتى وبلىسى تۇر، وندا 100 جانە ودان جوعارى جاستاعى 55 ادام تۇرادى.
ەڭ قارت قازاقستاندىقتاردىڭ ۇشتىگىنە تۇركىستان وبلىسىنىڭ تۇرعىندارى – 121 جاس، شىمكەنت قالاسى – 120 جاس، جامبىل وبلىسى – 119 جاس كىردى. قازاقستاندا بارلىعى 100 جاستان اسقان 31 ادام تۇرادى»،–دەدى ەڭبەك جانە حالىقتى الەۋمەتتىك قورعاۋ مينيسترلىگى.
ەستەرىڭىزگە سالا كەتەيىك، جىل سايىن بۇكىل الەمدە، ونىڭ ىشىندە قازاقستاندا دا 1 قازاندا حالىقارالىق قارتتار كۇنى اتاپ وتىلەدى. بۇل مەرەكەنى 1990 جىلى 14 جەلتوقساندا بىرىككەن ۇلتتار ۇيىمىنىڭ باس اسسامبلەياسى 45 سەسسيادا جاريالادى.
