بقو پوليتسيا دەپارتامەنتى باستىعىنىڭ ءبىرىنشى ورىنباسارى، پوليتسيا پولكوۆنيگى جانبولات جانشين قوناقۇيلەردىڭ، حوستەلدەردىڭ، پانسيوناتتاردىڭ، جاتاقحانالاردىڭ، جالعا بەرىلەتىن پاتەرلەردىڭ يەلەرىن كوشى-قون زاڭناماسىنىڭ تالاپتارىن قاتاڭ ساقتاۋعا شاقىرادى.
– شەتەلدىك ازاماتتاردى قابىلدايتىن جەكە جانە زاڭدى تۇلعالار وزدەرىنە كەلەتىن كوشىپ كەلۋشىلەر تۋرالى ىشكى ىستەر ورگاندارىن حاباردار ەتۋگە مىندەتتى. اتالعان حابارلاما شەتەلدىك ازامات كەلگەن كۇننەن باستاپ ءۇش جۇمىس كۇنى ىشىندە مىندەتتى تۇردە بەرىلەدى. وسى مەرزىمدى وتكىزىپ العان جانە كوشىپ كەلۋشىنىڭ كەلۋى تۋرالى ىشكى ىستەر ورگاندارىنا حابارلاماعان جاعدايدا جوعارىدا اتالعان مەنشىك يەلەرى قر اكىمشىلىك قۇقىق بۇزۋشىلىق تۋرالى كودەكسىنىڭ 518-بابى بويىنشا جاۋاپتىلىققا تارتىلادى. زاڭدى تۇلعالار ءۇشىن 10-نان 25 اەك، ايلىق، قايتالانعان جاعدايدا 100 اەك دەيىن ايىپپۇل قاراستىرىلعان، بۇل 306 مىڭ تەڭگە، – دەدى جانبولات جانشين.
جەكە جانە زاڭدى تۇلعالار كوشىپ كەلۋشىنىڭ كەلگەنى تۋرالى ەلەكتروندىق ۆيزالىق جانە كوشى-قون پورتالى ارقىلى تىكەلەي حابارلاي الادى vmp.gov.kz نەمەسە egov.kz ارقىلى.
ول ءۇشىن قازاقستاندىق تاراپقا كوشىپ كەلۋشىنىڭ ەلەكتروندىق تسيفرلىق قولتاڭباسى جانە پاسپورتتىق دەرەكتەرى جەتكىلىكتى. ەكىنشى ءادىس، قازاقستان تاراپىنان قابىلداۋشى جەكە جانە زاڭدى تۇلعالار شەتەلدىكتىڭ كەلگەنى تۋرالى حابارلامانى تىكەلەي ءوز اۋدانى بويىنشا ىشكى ىستەر ورگاندارىنىڭ كوشى-قون قىزمەتىنىڭ بولىمدەرى مەن بولىمشەلەرىنە بەرە الادى. ءۇشىنشى وڭاي ءادىس–ApStore نەمەسە PlayMarket-تەن e-Qonaq قوسىمشاسىن جۇكتەۋ. حابارلاما ەكى قاداممەن بەرىلەدى. ءتىپتى سمارتفوننىڭ كامەراسى ارقىلى تولقۇجاتىن سكانەرلەۋ ارقىلى شەتەلدىكتىڭ تولقۇجات دەرەكتەرىن جۇكتەۋ مۇمكىندىگى بار. حابارلامانى اۆتوريزاتسيالاۋ جانە تولتىرۋ ءينتۋيتيۆتى. ءبىر مينۋت ۋاقىت الادى.
