جاس دەنە شىنىقتىرۋ مۇعالىمى تۋرالى ۆيدەو قازنەتتە كەڭ تاراپ جاتىر. قىسقا بەينەلەر سەرياسىندا كەيىپكەردىڭ ساباعىن قازاق تىلىندە وتكىزىپ، ءتۇرلى جاعدايعا تاپ بولاتىنى كورسەتىلەدى، دەپ حابارلايدى “ادىرنا” ۇلتتىق پورتالى.
ۆايننىڭ باستى كەيىپكەرى - ۆياچەسلاۆ سميرنوۆ. Kemel مەكتەبىندە دەنە شىنىقتىرۋ مۇعالىمى بولىپ جۇمىس ىستەيدى.
"بۇرىننان مۇعالىم بولىپ جۇمىس ىستەگىم كەلەتىن. بۇعان دەيىن ءتۇرلى سالادا جۇمىس ىستەپ كوردىم. جاقىندا پەداگوگيكالىق ءبىلىم الىپ، مەكتەپكە جۇمىسقا كەلدىم. قازاق ءتىلىن اسكەردە ءجۇرىپ ۇيرەندىم. سودان بەرى ۇنەمى جەتىلدىرىپ كەلەمىن"- دەدى ول ءوزى تۋرالى.
مەكتەپ باسشىلىعى جاس پەداگوگتىڭ يدەيالارىن، قازاق ءتىلى مەن مادەنيەتىن ناسيحاتتاۋعا دەگەن ۇمتىلىسىن قولدايدى. ويتكەنى، مەكتەپتەگى ءبىلىم بەرۋ جۇيەسى ابايدىڭ "5-تەن 5-كە دەيىن" وقىتۋ تۇجىرىمداماسىنا نەگىزدەلگەن.
ء"بىز ۇجىمىمدا ۆياچەسلاۆ سياقتى كرەاتيۆتى مۇعالىمنىڭ بار بولعاندىعىنا قۋانامىز.
ۆياچەسلاۆتىڭ قازاق ءتىلىن قانشالىقتى جاقسى مەڭگەرگەنىن كورىپ، قولداۋعا شەشىم قابىلداپ، شاعىن سەريال تۇسىردىك.
كورەرمەنگە ۇنايدى دەگەن ۇمىتتەمىز. وقۋشىلاردى ۇلتتىق تاربيە مەن ءداستۇردى قۇرمەتتەۋدى ۇيرەتۋگە تىرىسامىز. ابايدىڭ "5-تەن 5-كە دەيىن" تۇجىرىمداماسى بالانىڭ 5 جاستان باستاپ بىرتىندەپ ءبىلىم بەرۋ ورتاسىنا تۇسەتىندىگىن بىلدىرەدى", - دەدى Kemel مەكتەبىنىڭ ديرەكتورى راش شاحەريزادا
