Jas dene shynyqtyrý muǵalimi týraly vıdeo Qaznette keń tarap jatyr. Qysqa beıneler serııasynda keıipkerdiń sabaǵyn qazaq tilinde ótkizip, túrli jaǵdaıǵa tap bolatyny kórsetiledi, dep habarlaıdy “Adyrna” ulttyq portaly.
Vaınnyń basty keıipkeri - Vıacheslav Smırnov. Kemel mektebinde dene shynyqtyrý muǵalimi bolyp jumys isteıdi.
"Burynnan muǵalim bolyp jumys istegim keletin. Buǵan deıin túrli salada jumys istep kórdim. Jaqynda pedagogıkalyq bilim alyp, mektepke jumysqa keldim. Qazaq tilin áskerde júrip úırendim. Sodan beri únemi jetildirip kelemin"- dedi ol ózi týraly.
Mektep basshylyǵy jas pedagogtyń ıdeıalaryn, qazaq tili men mádenıetin nasıhattaýǵa degen umtylysyn qoldaıdy. Óıtkeni, mekteptegi bilim berý júıesi Abaıdyń "5-ten 5-ke deıin" oqytý tujyrymdamasyna negizdelgen.
"Biz ujymymda Vıacheslav sııaqty kreatıvti muǵalimniń bar bolǵandyǵyna qýanamyz.
Vıacheslavtyń qazaq tilin qanshalyqty jaqsy meńgergenin kórip, qoldaýǵa sheshim qabyldap, shaǵyn serıal túsirdik.
Kórermenge unaıdy degen úmittemiz. Oqýshylardy ulttyq tárbıe men dástúrdi qurmetteýdi úıretýge tyrysamyz. Abaıdyń "5-ten 5-ke deıin" tujyrymdamasy balanyń 5 jastan bastap birtindep bilim berý ortasyna túsetindigin bildiredi", - dedi Kemel mektebiniń dırektory Rash Shaherızada
