استانادا اسا ءىرى كولەمدە الاياقتىق جاسادى دەگەن كۇدىكپەن «اس-اي» جشس باسشىسى اسقار اسايۇلى ومار ۇستالدى. بۇل تۋرالى قازاقستان رەسپۋبليكاسىنىڭ قارجىلىق مونيتورينگ اگەنتتىگى مالىمدەدى، دەپ حابارلايدى “ادىرنا” ۇلتتىق پورتالى.
قر قما حابارلاۋىنشا كومپانيانىڭ زاڭسىز ارەكەتىنەن مەملەكەتكە 300 ملن تەڭگە زالال كەلگەن. سونداي-اق، اسقار ومار «جولاۋشىلار تاسىمالى» اق-دان كەلتىرىلگەن زالالدى ءوندىرىپ الۋ كەزىندە جەتكىزۋ كولەمى تۋرالى جالعان مالىمەتتەردى جانە اۋديتورلاردىڭ جالعان قورىتىندىلارىن پايدالانعان.
كۆازيمەملەكەتتىك كومپانيانىڭ زاڭسىز ارەكەتتەرىنىڭ ناتيجەسىندە 300 ملن تەڭگەدەن استام سوماعا زالال كەلتىرىلدى.
ۇرلانعان قاراجاتقا ول استانادا قۇنى 125 ملن تەڭگە قىمبات پاتەر مەن Range Rover اۆتوكولىگىن 60 ملن تەڭگەگە ساتىپ الدى.
سونىمەن قاتار، قاراجاتتى كولەڭكەلى اينالىمعا شىعارۋ ءۇشىن نومينالدى زاڭدى تۇلعالاردان 1,3 ملرد تەڭگەگە جالعان شوت-فاكتۋرالاردى پايدالاندى.
وسىعان بايلانىستى 285,6 ملن تەڭگەگە سالىق تولەۋدەن جالتارۋ فاكتىسى بويىنشا قىلمىستىق ءىس تەرگەلۋدە. تەرگەۋ جالعاسۋدا، قر قپك 201-بابىنا سايكەس وزگە اقپارات جاريا ەتۋگە جاتپايدى.
