Astanada asa ırı kölemde alaiaqtyq jasady degen küdıkpen «As-Ai» JŞS basşysy Asqar Asaiūly Omar ūstaldy. Būl turaly Qazaqstan Respublikasynyŋ Qarjylyq monitoring agenttıgı mälımdedı, dep habarlaidy “Adyrna” ūlttyq portaly.
QR QMA habarlauynşa kompaniianyŋ zaŋsyz äreketınen memleketke 300 mln teŋge zalal kelgen. Sondai-aq, Asqar Omar «Jolauşylar tasymaly» AQ-dan keltırılgen zalaldy öndırıp alu kezınde jetkızu kölemı turaly jalǧan mälımetterdı jäne auditorlardyŋ jalǧan qorytyndylaryn paidalanǧan.
Kvazimemlekettık kompaniianyŋ zaŋsyz äreketterınıŋ nätijesınde 300 mln teŋgeden astam somaǧa zalal keltırıldı.
Ūrlanǧan qarajatqa ol Astanada qūny 125 mln teŋge qymbat päter men Range Rover avtokölıgın 60 mln teŋgege satyp aldy.
Sonymen qatar, qarajatty köleŋkelı ainalymǧa şyǧaru üşın nominaldy zaŋdy tūlǧalardan 1,3 mlrd teŋgege jalǧan şot-fakturalardy paidalandy.
Osyǧan bailanysty 285,6 mln teŋgege salyq töleuden jaltaru faktısı boiynşa qylmystyq ıs tergelude. Tergeu jalǧasuda, QR QPK 201-babyna säikes özge aqparat jariia etuge jatpaidy.
Ūqsas jaŋalyqtar
