Astanada asa iri kólemde alaıaqtyq jasady degen kúdikpen «As-Aı» JShS basshysy Asqar Asaıuly Omar ustaldy. Bul týraly Qazaqstan Respýblıkasynyń Qarjylyq monıtorıng agenttigi málimdedi, dep habarlaıdy “Adyrna” ulttyq portaly.
QR QMA habarlaýynsha kompanııanyń zańsyz áreketinen memleketke 300 mln teńge zalal kelgen. Sondaı-aq, Asqar Omar «Jolaýshylar tasymaly» AQ-dan keltirilgen zalaldy óndirip alý kezinde jetkizý kólemi týraly jalǵan málimetterdi jáne aýdıtorlardyń jalǵan qorytyndylaryn paıdalanǵan.
Kvazımemlekettik kompanııanyń zańsyz áreketteriniń nátıjesinde 300 mln teńgeden astam somaǵa zalal keltirildi.
Urlanǵan qarajatqa ol Astanada quny 125 mln teńge qymbat páter men Range Rover avtokóligin 60 mln teńgege satyp aldy.
Sonymen qatar, qarajatty kóleńkeli aınalymǵa shyǵarý úshin nomınaldy zańdy tulǵalardan 1,3 mlrd teńgege jalǵan shot-faktýralardy paıdalandy.
Osyǵan baılanysty 285,6 mln teńgege salyq tóleýden jaltarý faktisi boıynsha qylmystyq is tergelýde. Tergeý jalǵasýda, QR QPK 201-babyna sáıkes ózge aqparat jarııa etýge jatpaıdy.
