2022 جىلعى جوسپار بويىنشا 600 مىڭ شارشى مەتر تۇرعىن ءۇيدى پايدالانۋعا بەرىلمەك. وبلىستا «نۇرلى جەر»، «7-20-25»، «باقىتتى وتباسى» باعدارلامالارى جۇزەگە اسىرىلۋدا. ەنەرگەتيكا جانە تۇرعىن ءۇي-كوممۋنالدىق شارۋاشىلىعى باسقارماسىنىڭ مالىمەتى بويىنشا بىلتىر وبلىستا 74 تۇرعىن 37 379 مىڭ تەڭگەنىڭ ءۇي سەرتيفيكاتىن الدى.
الەۋمەتتىك تۇرعىدان وسال توپقا جاتاتىن ازاماتتاردىڭ ارقايسىنا قۇرىلىس باعدارلاماسىنا ساي 1,5 ميلليون تەڭگە كولەمىندە سەرتيفيكات بەرىلگەن. 2011-2015 جىلدارى رەسپۋبليكالىق بيۋدجەت ەسەبىنەن كوپپاتەرلى ۇيلەردى جوندەۋگە 1 744 ملن تەڭگە ءبولىندى. تۇرعىن ءۇي-كوممۋنالدىق دامۋدىڭ 2020-2025 جىلدارعا ارنالعان «نۇرلى جەر» مەملەكەتتىك باعدارلاماسى اۋقىمىندا بىلتىر ۇيلەردى جاڭعىرتۋ ءۇشىن 30 جوبانى جۇزەگە اسىرۋعا 424 388 مىڭ تەڭگە ءبولىندى. ونىڭ ىشىندە 9 جوبا بويىنشا ۇيلەردىڭ جەدەلساتىسى اۋىستىرىلعان. بيىل ۇيلەردى كۇردەلى جوندەۋگە رەسپۋبليكالىق بيۋدجەتتەن 279 648 مىڭ تەڭگە (9 جوبا) ءبولىندى.
