ورالدا وتكەن «WestKazinvest-2022» حالىقارالىق ينۆەستيتسيالىق فورۋمىندا تۇركيا، پورتۋگاليا، اقش، رەسەيدەن كەلگەن سپيكەرلەر بقو-دا قايتا قولدانىسقا ەنگىزۋگە جوسپارلانعان ينۆەستيتسيالىق جوبالارىن تانىستىرسا، شەتەلدىك كومپانيا وكىلدەرى وڭىرارالىق ىنتىماقتاستىق ماقساتىندا ءوزارا تاجىريبە الماسىپ، ساۋدا-ەكونوميكالىق بايلانىستاردى نىعايتۋ بويىنشا ۇسىنىستاردى تالقىلادى.
فورۋم اياسىندا مۇناي-گاز سەكتورىنا، اگروونەركاسىپتىك كەشەنگە جانە ءىت-تەحنولوگيالارعا ينۆەستيتسيا تارتۋ بويىنشا پانەلدىك سەسسيالار ءوتتى. وبلىس اكىمىنىڭ كەڭەسشىسى اربات راحىمباەۆ اتاپ وتكەندەي، الەمدىك ەكونوميكالىق جاعداي جاعدايىندا بقو-نىڭ لوگيستيكالىق الەۋەتى ءوڭىردىڭ دامۋىنا جانە ينۆەستيتسيا اعىنىنا سەرپىلىس بەرەدى. «تسيفرلىق ەكسپانسيا – باتىسقا ينۆەستيتسيالاۋ!» تاقىرىبىنداعى پانەلدىك سەسسيا ساندىق تەحنولوگيالاردى ەنگىزۋگە ارنالدى.
2018 جىلدان باستاپ باتىس قازاقستان وبلىسىندا ايماقتاعى 12 جەتەكشى كومپانيا كىرەتىن ايماقتىق ءىت قاۋىمداستىعى جۇمىس ىستەيدى.بىرلەستىك جانىنان ايماقتىق IT-HUB ۇيىمداستىرىلدى. بۇل مەكەمەنىڭ ماقساتى – مەملەكەتپەن دە، بيزنەسپەن دە تسيفرلاندىرۋ جوبالارىن جۇزەگە اسىرۋ. مىسالى، IT-Hub اياسىندا قالالىق تۇرعىن ءۇي-كوممۋنالدىق شارۋاشىلىق بويىنشا Call-ورتالىعىنىڭ جوباسى جۇمىس ىستەيدى.
اقپاراتتىق تەحنولوگيالار قاۋىمداستىعىنىڭ توراعاسى يۆان مەلنيكوۆ پەن بقو اكىمدىگىنىڭ تسيفرلىق تەحنولوگيالار باسقارماسىنىڭ باسشىسى نۇرسۇلتان نۇرلان IT-قاۋىمداستىعى ءۇشىن Smart City سالاسىنداعى جەتىستىكتەر مەن قيىندىقتارعا، جەرگىلىكتى كومپانيالارمەن بىرلەسىپ جۇزەگە اسىرىلىپ جاتقان بىرقاتار جوبالارعا توقتالدى.
IT سالاسىندا بۇل باعىتتاعى جۇمىستاردى قازاقستان رەسپۋبليكاسى تسيفرلىق دامۋ جانە اەروعارىش ونەركاسىبى مينيسترلىگىنە قاراستى Astana HUB جۇزەگە اسىرادى. فورۋمدا Astana Hub وكىلى ماريا ءجۇنىسوۆا اتاپ وتكەندەي، ۇيىم رەزيدەنتتەرى ءۇشىن ايتارلىقتاي سالىقتىق جەڭىلدىكتەر قاراستىرىلعان، مىسالى، كورپوراتيۆتىك تابىس سالىعىنان قوسىلعان قۇن سالىعىنان بوساتۋ، جەكە تابىس سالىعى جانە باسقا دا پرەفەرەنتسيالار.
فورۋمنىڭ باس سەرىكتەسى «قازاقتەلەكوم» كومپانياسى دا بىرقاتار جوبالارىن ۇسىندى، ولاردىڭ نەگىزگىلەرى «اۋىلداعى تسيفرلىق سەرىكتەس». وسى باعىت اياسىندا سەرىكتەستىك اۋىلدارعا ينتەرنەت قىزمەتىن كورسەتۋ ءۇشىن كاسىپكەرلەرمەن ىنتىماقتاسادى. باستى ماقسات – قالا مەن اۋىل اراسىنداعى تسيفرلىق الشاقتىقتى جويۋ، تۇرعىنداردى ساپالى ينتەرنەتپەن قامتاماسىز ەتۋ، شاعىن بايلانىس وپەراتورلارى مەن شوب دامىتۋدى قولداۋ، جۇمىس ورىندارىن اشۋ ءۇشىن اۋىلداردا اقپاراتتىق-كوممۋنيكاتسيالىق تەحنولوگيالار (اكت) ينفراقۇرىلىمىن دامىتۋ.
سونداي-اق «قازاقتەلەكوم» وكىلدەرى سمارت قالانى قۇرۋداعى جاڭا تاسىلدەر، «Smart Akkol» جوباسىنىڭ تابىسى تۋرالى ايتىپ، «Smart Aksai» جوباسىن دامىتۋعا دەگەن كوزقاراستارىمەن ءبولىستى.
سونىمەن قاتار ولار Smart City تۇجىرىمداماسى اياسىنداعى ءتۇرلى جوبالاردى، ءبىلىم بەرۋ سالاسىن تسيفرلاندىرۋدى دامىتۋ مۇمكىندىكتەرىن، اۆتوتۇراقتاردى اۆتوماتتاندىرۋدى، سونداي-اق اقپاراتتىق تەحنولوگيالاردى دامىتۋ جوبالارىن ۇسىندى.
فورۋم ناتيجەسىندە «ساراتوۆ ءسۇت زاۋىتى» جاۋاپكەرشىلىگى شەكتەۋلى سەرىكتەستىگى، «ورىنبور پوليكاربوكسيلات زاۋىتى» جاۋاپكەرشىلىگى شەكتەۋلى سەرىكتەستىگى جانە «Aqjaiyq» اكك» اق اراسىندا مەموراندۋمدارعا قول قويىلدى، سونداي-اق بقو-دا قۇس فابريكاسىن ۇيىمداستىرۋ جوباسىن جۇزەگە اسىرۋ بويىنشا جول كارتاسىنا قول قويىلدى.
