پارلامەنتشىلەر قازاقستانعا ءتىل تيگىزگەن رف دۋما دەپۋتاتىنىڭ مالىمدەمەسىنە جاۋاپ بەردى

2477
Adyrna.kz Telegram

قر پارلامەنت سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ توراعاسى مۇحتار قۇل-مۇحاممەد پەن قر پارلامەنتى ءماجىلىسىنىڭ دەپۋتاتى ايگۇل قۇسپان رەسەي مەملەكەتتىك دۋماسى دەپۋتاتى كونستانتين ءزاتۋليننىڭ مالىمدەمەسىنە جاۋاپ بەردى، دەپ حابارلايدى «ادىرنا» ءتىلشىسى.

«دەپۋتات ءزاتۋليننىڭ رەيتينگى تومەندەگەن كەزدە، ول ارانداتۋشىلىق مالىمدەمەلەر ايتىپ باستايدى. بۇعان دەيىن دە بىرنەشە رەت وسىلاي بولعان. بىرىنشىدەن، ەكىنشى دەڭگەيلى بانكتەردىڭ ءبارى جەكە مەنشىك سانالادى. سوندىقتان قانداي بانك كارتاسىمەن جۇمىس ىستەۋ پايدالى ەكەنىن، قولايلى بولتاتىنىن وزدەرى شەشەدى. ەكىنشىدەن، مير كارتاسى توڭىرەگىندە شۋ مەن جانجال كوپ بولدى. اقشا تىنىشتىقتى جاقسى كورەدى. سول سەبەپتى دەپۋتات ۋايىمى مەن نارازىلىعىن ءوزى سياقتىلاردىڭ ارقاسىندا قيىن جاعدايعا تاپ بولعان ءوزىنىڭ بانك جۇيەسىنە ساقتاسىن، – دەدى مۇحتار قۇل-مۇحاممەد.

ال ايگۇل قۇسپان ويدان قۇراستىرىلعان قازاق ۇلتشىلدىعى مەن وزگە دە ۇلتشىلدىق تامسىلدەر ارقىلى «ساياساتكەرلەر» رەسەيدىڭ مۇددەسىنە نۇقسان كەلتىرەتىندەرىن اتاپ ءوتتى.

«وكىنىشكە قاراي، وسىنداي دەپۋتاتتاردىڭ كەسىرىنەن تاياۋ شەتەلدەگى رەسەيدىڭ دوستاستىق بەينەسى وزبىرلىق، تاكاپپارلىق جانە ناداندىقپەن ۇشتاسادى. ءزاتۋليننىڭ مالىمدەمەسىن نەگىزسىز ايىپتاۋ دەپ قابىلدايمىز. اسكەري مىندەتتىلەردى ءىشىنارا جۇمىلدىرۋ جونىندە جاريالانعاننان كەيىنگى العاشقى تاۋلىكتىڭ وزىندە قازاقستانعا 10 مىڭعا جۋىق رەسەي ازاماتى كەلدى. بيلىك تە، جەرگىلىكتى حالىق تا ولارعا كەدەرگى كەلتىرىپ جاتقان جوق. بۇل ءبىزدىڭ ەلدە «رۋسوفوبيا» جوق ەكەنىن كورسەتەدى»،—دەدى ول.

بۇعان دەيىن تمد ىستەرى، ەۋرازيالىق ينتەگراتسيا جانە وتانداستارمەن بايلانىس جونىندەگى كوميتەتتىڭ توراعاسى كونستانتين زاتۋلين قازاقستاننىڭ رەسەيگە قاتىستى دۇرىس ەمەس جولعا تۇسكەنىن ايتقان ەدى. سونداي-اق ول الداعى ۋاقىتتا ەكى ەل اراسىنداعى قارىم-قاتىناس شيەلەنىسسە، قازاقستاننىڭ تاۋەلسىزدىگى قاۋىپتى جاعدايدا بولاتىنىن اتاپ ءوتتى.

پىكىرلەر