QR Parlament Senatynyń halyqaralyq qatynastar, qorǵanys jáne qaýipsizdik komıtetiniń tóraǵasy Muhtar Qul-Muhammed pen QR Parlamenti Májilisiniń depýtaty Aıgúl Quspan Reseı Memlekettik Dýmasy depýtaty Konstantın Zatýlınniń málimdemesine jaýap berdi, dep habarlaıdy «Adyrna» tilshisi.
«Depýtat Zatýlınniń reıtıngi tómendegen kezde, ol arandatýshylyq málimdemeler aıtyp bastaıdy. Buǵan deıin de birneshe ret osylaı bolǵan. Birinshiden, ekinshi deńgeıli bankterdiń bári jeke menshik sanalady. Sondyqtan qandaı bank kartasymen jumys isteý paıdaly ekenin, qolaıly boltatynyn ózderi sheshedi. Ekinshiden, Mır kartasy tóńireginde shý men janjal kóp boldy. Aqsha tynyshtyqty jaqsy kóredi. Sol sebepti depýtat ýaıymy men narazylyǵyn ózi sııaqtylardyń arqasynda qıyn jaǵdaıǵa tap bolǵan óziniń bank júıesine saqtasyn, – dedi Muhtar Qul-Muhammed.
Al Aıgúl Quspan oıdan qurastyrylǵan qazaq ultshyldyǵy men ózge de ultshyldyq támsilder arqyly «saıasatkerler» Reseıdiń múddesine nuqsan keltiretinderin atap ótti.
«Ókinishke qaraı, osyndaı depýtattardyń kesirinen taıaý sheteldegi Reseıdiń dostastyq beınesi ozbyrlyq, tákapparlyq jáne nadandyqpen ushtasady. Zatýlınniń málimdemesin negizsiz aıyptaý dep qabyldaımyz. Áskerı mindettilerdi ishinara jumyldyrý jóninde jarııalanǵannan keıingi alǵashqy táýliktiń ózinde Qazaqstanǵa 10 myńǵa jýyq Reseı azamaty keldi. Bılik te, jergilikti halyq ta olarǵa kedergi keltirip jatqan joq. Bul bizdiń elde «rýsofobııa» joq ekenin kórsetedi»,—dedi ol.
Buǵan deıin TMD isteri, eýrazııalyq ıntegraııa jáne otandastarmen baılanys jónindegi komıtettiń tóraǵasy Konstantın Zatýlın Qazaqstannyń Reseıge qatysty durys emes jolǵa túskenin aıtqan edi. Sondaı-aq ol aldaǵy ýaqytta eki el arasyndaǵy qarym-qatynas shıelenisse, Qazaqstannyń táýelsizdigi qaýipti jaǵdaıda bolatynyn atap ótti.
