بەلگىلى زاڭگەر ايگۇل ورىنبەك قازاقستان حالقىن تولەرانتتى بولۋعا شاقىردى، دەپ حابارلايدى «ادىرنا» ءتىلشىسى.
«ەلدە سوعىس بولىپ، جان- جاققا قاشۋدان قۇداي ساقتاسىن! بەيبىتشىلىكتىڭ قادىرىن بىلەيىك!
ۋكراينادا سوعىس باستالماي جاتىپ، قالتالى بايلارى انتاليا، ىستامبۇلدان ءۇي الدى. سوعىس باستالعاندا ءتىپتى 5 ميلليونعا جۋىق حالقى ەلدەن كەتتى. ەگەر سول ەلدەرىنەن قاشقان 5 ميلليون ۋكرايندىق ەلگە كىرەمىز دەپ كەلگەندە وسىنداعى «شەكارانى جابۋ كەرەك» دەپ وتىرعاندار قۇشاق جايا قارسى الاتىن ەدى. كوشباسشى وڭباسا، حالقىنا سور.
كىمگە ەلىنەن كەتكەن ۇنايدى دەيسىڭ؟ ارينە ەشكىمگە! ماعان دا رەسەيلىكتەردىڭ ەلىمە كىرگەنى ۇنامايدى. بىراق ولار — بىزگە ءتيىپ تۇرعان شەكارالاس كورشى. الەم يادرولىق سوعىسقا جاقىن تۇرعاندا، بۇكىل الەمنىڭ نازارى قازىر بىزدە بولىپ وتىر. بۇل سيتۋاتسيادان دا حالىقارالىق ستاندارتتارعا ساي ادەمى شىعۋىمىز كەرەك!
الەم سىلايتىن ديپلومات پرەزيدەنتىمىز بار!
«شەكارانى جاپ!» دەپ اشىق ايتپاسا دا، قۇپيا تۇردە تاپسىرمالار ءتيىستى ادامدارعا بەرىلدى دەپ ويلايمىن. بۇل ماسەلەنى ساياسيلاندىرا بەرمەي، كەلىپ جاتقان قوناقتارعا كىمنىڭ ەلىندە جۇرگەنىن مادەني تۇردە كورسەتىپ وتىرۋ كەرەك! قۇجاتتارى دۇرىس ەمەس ەكەنىن بىلسەڭ، بىردەن پوليتسياعا حابارلا.ەلىمىزدىڭ ەلدىگىن ساقتاپ قالۋ ءوز قولىمىزدا! بىرىگەتىن ۋاقىت كەلدى، اقشا، قۇلقىننىڭ قامى ءۇشىن ەمەس، ەل ءۇشىن جۇمىس ىستەيىك!
بۇل تىعىرىقتان دا پرەزيدەنتىمىز توقاەۆ الىپ شىعادى!
ۋكراينانى اشىق قولدايتىنىمىزدى ايتىپ وتىرىپ، رەسەيلىكتەرگە ەسىگىمىزدى تارس جاۋىپ قويا المايمىز! ءدال قازىر بىزگە تولەرانتتى كوزقاراستا بولۋ كەرەك!»—دەدى ول.
