Elge kelip jatqandarǵa kimniń jerinde júrgenin mádenı túrde kórsetý kerek — Aıgúl Orynbek

2646
Adyrna.kz Telegram

Belgili zańger Aıgúl Orynbek Qazaqstan halqyn tolerantty bolýǵa shaqyrdy, dep habarlaıdy «Adyrna» tilshisi.

«Elde soǵys bolyp, jan- jaqqa qashýdan qudaı saqtasyn! Beıbitshiliktiń qadirin bileıik!

Ýkraınada soǵys bastalmaı jatyp, qaltaly baılary Antalıa, Ystambuldan úı aldy. Soǵys bastalǵanda tipti 5 mıllıonǵa jýyq halqy elden ketti. Eger sol elderinen qashqan 5 mıllıon ýkraındyq elge kiremiz dep kelgende osyndaǵy «shekarany jabý kerek» dep otyrǵandar qushaq jaıa qarsy alatyn edi. Kóshbasshy ońbasa, halqyna sor.
Kimge elinen ketken unaıdy deısiń? Árıne eshkimge! Maǵan da reseılikterdiń elime kirgeni unamaıdy. Biraq olar — bizge tıip turǵan shekaralas kórshi. Álem ıadrolyq soǵysqa jaqyn turǵanda, búkil álemniń nazary qazir bizde bolyp otyr. Bul sıtýaııadan da halyqaralyq standarttarǵa saı ádemi shyǵýymyz kerek!
Álem sylaıtyn dıplomat Prezıdentimiz bar!
«Shekarany jap!» dep ashyq aıtpasa da, qupııa túrde tapsyrmalar tıisti adamdarǵa berildi dep oılaımyn. Bul máseleni saıasılandyra bermeı, kelip jatqan qonaqtarǵa kimniń elinde júrgenin mádenı túrde kórsetip otyrý kerek! Qujattary durys emes ekenin bilseń, birden polıııaǵa habarla.

Elimizdiń eldigin saqtap qalý óz qolymyzda! Birigetin ýaqyt keldi, aqsha, qulqynnyń qamy úshin emes, el úshin jumys isteıik!
Bul tyǵyryqtan da Prezıdentimiz Toqaev alyp shyǵady!
Ýkraınany ashyq qoldaıtynymyzdy aıtyp otyryp, reseılikterge esigimizdi tars jaýyp qoıa almaımyz! Dál qázir bizge tolerantty kózqarasta bolý kerek!»—dedi ol.

Pikirler