جىل سايىنعى Kazakhstan Growth Forum-ىندا جىلدىڭ ەڭ ۇزدىك باسشىلارىن ماراپاتتاۋ ءراسىمى ءوتتى.
Kaspi.kz-ءتىڭ باسشىسى ءارى نەگىزىن قالاۋشىلاردىڭ ءبىرى ميحايل لومتادزە قاتارىنان بەسىنشى رەت «جىلدىڭ ەڭ ۇزدىك CEO» اتاندى. ميحايل «ءمىنسىز كليەنتتىك تاجىريبەسى ءۇشىن» ماراپاتىنا يە بولدى.
Kaspi.kz-ءتىڭ باسشىسى ءارى نەگىزىن قالاۋشىلاردىڭ ءبىرى ميحايل لومتادزە:
«بۇكىل كوماندامىزدىڭ جۇمىسىنىڭ ناتيجەسىن باعالاعانى ءۇشىن قازىلار القاسىنا راقمەت. ءبىزدى ەڭ الدىمەن Kaspi.kz-ءتىڭ قازاقستاندىقتاردىڭ ءومىرىن جاقسارتاتىن يننوۆاتسيالىق ونىمدەر جاساۋ ميسسياسى شابىتتاندىرادى. ءبىز «قازاقستان مەن قازاقستاندىقتار ءۇشىن نە جاقسى بولسا، Kaspi.kz ءۇشىن دە سول جاقسى» ءپرينتسيپىن باسشىلىققا الامىز. Kaspi.kz تولىعىمەن قازاقستاندا قۇرىلعان كومپانيا ەكەنىن شىن جۇرەكتەن ماقتان تۇتامىز. الداعى ۋاقىتتا دا قازاقستاندىقتاردى ەڭ زاماناۋي، قاراپايىم ءارى ىڭعايلى ونلاين-سەرۆيستەرمەن قۋانتىپ، تاڭعالدىرۋعا تىرىسامىز. بىزبەن بىرگە بولعانى ءۇشىن سۇيىكتى كليەنتتەرىمىزگە راقمەت ايتامىز!» - دەپ اتاپ ءوتتى.
جىل سايىن ەڭ ۇزدىك باسشىلاردى Kazakhstan Growth Forum-ىنىڭ ساراپشىلار كەڭەسى انىقتايدى. ونىڭ قۇرامىندا وراز جاندوسوۆ (قازاقستان ەكونوميستەرى قاۋىمداستىعىنىڭ قامقورشىلىق كەڭەسىنىڭ توراعاسى), اندرەي بەكلەميشەۆ (IDC ورتالىق ازيا ايماقتىق ديرەكتورى), ەلەنا باحمۋتوۆا (قازاقستان قارجىگەرلەر قاۋىمداستىعى كەڭەسىنىڭ ءتورايىمى), ەكاتەرينا بەندجامين (IFC وكىلدىگىنىڭ باسشىسى), ەرجان دوسىمبەكوۆ (Grant Thornton اۋديتورلىق كومپانياسىنىڭ باسشىسى), ەرلان دوسىمبەكوۆ (EY قازاقستان باسشىسى) جانە ساكەن جۇماشەۆ (KPMG قازاقستان باسشىسى) بولدى. جەڭىمپازدار ەكونوميكانىڭ ءارتۇرلى سالاسىنان ۇسىنىلعان 500 قازاقستاندىق ۇزدىك كومپانيالاردىڭ ىشىنەن تاڭدالادى.
سونداي-اق Kaspi.kz-ءتىڭ باسشىسى ءارى نەگىزىن قالاۋشىلاردىڭ ءبىرى ميحايل لومتادزە PricewaterhouseCoopers (PwC) جەتەكشى حالىقارالىق كونسالتينگتىك كومپانياسى جىل سايىن وتكىزەتىن سەو Survey ساۋالناماسىنىڭ ناتيجەسى بويىنشا قاتارىنان بەسىنشى رەت قازاقستانداعى ەڭ ۇزدىك كومپانيا باسشىسى بولىپ تانىلدى.
