قر ۇكىمەتىنىڭ قاۋلىسىمەن يران شارحانۇلى شارحان قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ۆيتسە-ءمينيسترى بولىپ تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
يران شارحان 1987 جىلى اقتوبە وبلىسىندا دۇنيەگە كەلگەن. ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىن، قازاق ەكونوميكا، قارجى جانە حالىقارالىق ساۋدا ۋنيۆەرسيتەتىن، اباي مىرزاحمەتوۆ اتىنداعى كوكشەتاۋ ۋنيۆەرسيتەتىن بىتىرگەن.
ەڭبەك جولىن 2008 جىلى ماركەتينگ بويىنشا مامان بولىپ باستادى.
2009-2013 جىلدارى – قر دەنساۋلىق ساقتاۋ مينيسترلىگى اكىمشىلىك-قۇقىق دەپارتامەنتى مەملەكەتتىك ساتىپ الۋ باسقارماسى ساراپشىسىنىڭ م.ا.، ساراپشىسى، زاڭ قىزمەتى جانە مەملەكەتتىك ساتىپ الۋ دەپارتامەنتى مەملەكەتتىك ساتىپ الۋ باسقارماسىنىڭ باس ساراپشىسى.
2013-2014 – قر يندۋستريا جانە جاڭا تەحنولوگيالار مينيسترلىگى مەملەكەتتىك ساتىپ الۋ باسقارماسىنىڭ باسشىسى.
2014-2015 جىلدارى – قر ينۆەستيتسيالار جانە دامۋ مينيسترلىگى اكىمشىلىك جۇمىس دەپارتامەنتى ديرەكتورىنىڭ ورىنباسارى.
2015-2016 جىلدارى – قر وڭتۇستىك قازاقستان وبلىسىنىڭ دەنساۋلىق ساقتاۋ باسقارماسى باسشىسىنىڭ ورىنباسارى.
2016-2019 جىلدارى – قر قورعانىس جانە اەروعارىش ونەركاسىبى مينيسترلىگى اكىمشىلىك جۇمىس دەپارتامەنتىنىڭ ديرەكتورى.
2019 جىلى قر سىرتقى ىستەر ءمينيسترىنىڭ كەڭەسشىسى بولىپ تاعايىندالدى.
2020-2021 جىلدارى – اقتوبە وبلىسىنىڭ يندۋستريالىق-يننوۆاتسيالىق دامۋ باسقارماسىنىڭ باسشىسى.
2021 جىلعى تامىزدان باستاپ قازىرگى ۋاقىتقا دەيىن قر يندۋستريا جانە ينفراقۇرىلىمدىق دامۋ مينيسترلىگى قپق بويىنشا جەر قويناۋىن پايدالانۋ دەپارتامەنتىنىڭ ديرەكتورى بولىپ قىزمەت ەتتى.
