الماتى اكىمى ەربولات دوساەۆ تۇركسىب اۋدانى تۇرعىندارىمەن كەزدەسۋ بارىسىندا وسى جىلدىڭ سوڭىنا دەيىن ءالى جارىق جۇرگىزىلمەگەن 100 كوشەدە سىرتقى جارىق ورناتىلادى، دەپ حابارلايدى "ادىرنا" ءتىلشىسى.
"وتكەن كەزدەسۋدە سىزدەر «شۋاقتى»، «نۇرشاشقان» ، «المەرەك» جانە «قايرات» شاعىناۋداندارىندا ۇنەمى جارىقتىڭ ءسونىپ قالاتىنىن ايتتىڭىزدار. ونىڭ نەگىزگى سەبەپتەرى جەلىلەردىڭ توزۋى جانە قۋاتتىڭ جەتىسپەۋى بولىپ تابىلادى", - دەدى قالا اكىمى ەربولات دوساەۆ.
ونىڭ ايتۋىنشا، اتالعان ماسەلەلەردى شەشۋ ءۇشىن جۇمىس ەكى باعىتتا ءجۇرىپ جاتىر.
ءبىرىنشى، قازىرگى تاڭدا 4,2 كم ەلەكتر جەلىسى رەكونسترۋكتسيالاندى. جىلدىڭ سوڭىنا دەيىن 11 كم-گە دەيىن جەتكىزۋ جوسپارلانعان. وسىلايشا، «شۋاقتى» جانە «نۇرشاشقان» شاعىناۋداندارداعى ەسكى ەلەكتر جەلىلەرىن جاڭارتۋ اياقتالادى. 2023 جىلدىڭ I-توقسانىندا «المەرەك» جانە «قايرات» شاعىناۋداندارىندا وسىنداي جۇمىستار باستالادى.
ەكىنشى، بۇگىنگى تاڭدا جەتكىلىكتى قۋاتتى قامتاماسىز ەتۋ ءۇشىن «تۇزدىباستاۋ» پودستانتسياسى سالىنىپ جاتىر. وبەكتىنى 2023 جىلدىڭ II-توقسانىندا پايدالانۋعا بەرۋ جوسپارلانعان. سودان كەيىن وسى شاعىناۋدانداردى تۇراقتى ەلەكترمەن قامتاماسىز ەتۋ ماسەلەسى تولىعىمەن شەشىلەتىن بولادى.