ماڭعىستاۋلىق جەتى دۇركىن الەم چەمپيونى يلدار ياگياەۆ ستريتليفتينگ جانە ۆوركاۋت سپورت تۇرىنەن جاڭا الەمدىك رەكورد ورناتىپ، گيننەستىڭ رەكوردتار كىتابىنا ەندى. بۇل تۋرالى وبلىستىق سپورت باسقارماسىنىڭ ءباسپاسوز قىزمەتى حابارلادى، دەپ جازادى "ادىرنا" ۇلتتىق پورتالى.
گيننەستىڭ رەكوردتار كىتابىنا ەنۋىنە سپورتشىنىڭ 2021 جىلى كيەۆ قالاسىندا ستريتليفتينگ پەن ۆوركاۋت-رەكوردتاردان الەم چەمپيوناتىندا كورسەتكەن جەتىستىگى، ورناتقان رەكوردى سەبەپشى بولدى.
يلدار ياگياەۆ 40 فۋنت سالماقتاعى اۋىرلىقپەن ەكى قولمەن 10 رەت بەلتەمىرگە تارتىلىپ رەكورد ورناتقان بولاتىن. يلدار 19 قىركۇيەك كۇنى گيننەستىڭ رەكوردتار كىتابىنا ەنگەنى تۋرالى سەرتيفيكاتىن العان.
سپورتشىنىڭ ايتۋىنشا، ناتيجەنى تىركەۋگە ءوتىنىشتى شامامەن جەتى اي بۇرىن جىبەرگەن.
«كەيدە ءوتىنىمدى قاراۋ جارتى جىلعا سوزىلادى. مەن ءوزىمنىڭ ناتيجەم تۋرالى ۆيدەونى گيننەستىڭ رەكوردتار سايتىنا جىبەردىم. بەكىتۋگە ءۇش اي قاجەت بولدى. كەيىن مەنىڭ رەكوردىم تىركەلدى. رەكوردشىلار ءتىزىمىن شىنىمەن تولىقتىرعان سەرتيفيكات لوندوننان جىبەرىلدى. ول ماعان ءبىر ايعا جۋىق كەلدى. ال 19 قىركۇيەكتە مەن ونى الدىم»، - دەدى سپورتشى.
"ادىرنا" ۇلتتىق پورتالى
