Mańǵystaýlyq jeti dúrkin álem chempıony Ildar Iagıaev strıtlıftıng jáne vorkaýt sport túrinen jańa álemdik rekord ornatyp, Gınnestiń rekordtar kitabyna endi. Bul týraly oblystyq sport basqarmasynyń baspasóz qyzmeti habarlady, dep jazady "Adyrna" ulttyq portaly.
Gınnestiń rekordtar kitabyna enýine sportshynyń 2021 jyly Kıev qalasynda strıtlıftıng pen vorkaýt-rekordtardan álem chempıonatynda kórsetken jetistigi, ornatqan rekordy sebepshi boldy.
Ildar Iagıaev 40 fýnt salmaqtaǵy aýyrlyqpen eki qolmen 10 ret beltemirge tartylyp rekord ornatqan bolatyn. Ildar 19 qyrkúıek kúni Gınnestiń rekordtar kitabyna engeni týraly sertıfıkatyn alǵan.
Sportshynyń aıtýynsha, nátıjeni tirkeýge ótinishti shamamen jeti aı buryn jibergen.
«Keıde ótinimdi qaraý jarty jylǵa sozylady. Men ózimniń nátıjem týraly vıdeony Gınnestiń rekordtar saıtyna jiberdim. Bekitýge úsh aı qajet boldy. Keıin meniń rekordym tirkeldi. Rekordshylar tizimin shynymen tolyqtyrǵan Sertıfıkat Londonnan jiberildi. Ol maǵan bir aıǵa jýyq keldi. Al 19 qyrkúıekte men ony aldym», - dedi sportshy.
"Adyrna" ulttyq portaly
