Astana qalasynda N. Nazarbaevtyń nemere inisi Qaırat Satybaldynyń isi boıynsha sot otyrysy ótip jatyr. Jelide aıyptalýshynyń beınebaılanys arqyly týǵan-týystarymen sóılesken vıdeosy tarady, dep habarlaıdy "Adyrna" ulttyq portaly "Azattyq radıosyna" silteme jasap.
Vıdeo sot otyrysynyń basynda túsirilgen. Qaırat Satybaldy inisi Samat Ábishpen, balalarmen amandasyp, jaǵdaı surasady. Aǵasyn kórgen Samat Ábishtiń "álhamdýlılla, Qudaıǵa shúkir, amal jasap júrmin", "Saǵyndym seni" degen jaýaptaryn estýge bolady. Áńgime arasynda Q. Satybaldy ulyna "Samat aǵańnyń qasynda bol árqashan, balam, onymen aqyldas jaqsy ma?" dep keńes beredi.
Esterińizge sala keteıik, Qaırat Satybaldy men Samat Ábish - Qazaqstannyń eks-prezıdenti Nursultan Nazarbaevtyń baýyry Satybaldy Nazarbaevtyń balalary. Beınebaılanystyń sońynda Samat Ábish aǵasynyń qoıǵan "Sen bárin túsindiń ǵoı?" degen saýalyna "Túsindim, brat..." dep jaýap qatyp, ekrandy jabady.
