بۇگىن ماڭعىستاۋ وبلىسىنىڭ اكىمى نۇرلان نوعاەۆ دەپۋتاتتارعا ءوز ەركىمەن قىزمەتىنەن بوساتۋ تۋرالى ارىز بەرگەن ماڭعىستاۋ اۋدانىنىڭ اكىمى تىلەك قوشماعامبەتوۆتىڭ ورنىنا ۇسىنىلعان جاڭا اكىمنىڭ كانديداتۋراسىن تانىستىردى، دەپ حابارلايدى «ادىرنا» ءتىلشىسى.
عالىمجان نيازوۆتىڭ كانديداتۋراسى قازاقستان پرەزيدەنتىنىڭ اكىمشىلىگىمەن كەلىسىلدى. بۇعان دەيىن ول ماڭعىستاۋ وبلىسى اكىمىنىڭ ورىنباسارى قىزمەتىن اتقاردى.
ايتا كەتەيىك، 2022 جىلدىڭ اقپانىندا عالىمجان مۇقىرۇلى نيازوۆ 2 ايعا قاماۋعا الىنعان ەدى. قارجى مونيتورينگى اگەنتتىگى وعان قىزمەتتىك ۋاكىلەتىن اسىرا پايدالاندى دەگەن ايىپ تاقتى. كەيىن شەنەۋنىكتىڭ ۇيقاماققا اۋىستىرىلعانى، مامىر ايىندا جۇمىسقا قايتا شىققانى بەلگىلى بولدى.
