جامبىل وبلىسىندا ءىرى جول اپاتى بولىپ، كولىكتەن شىعا الماي قالعان ءبىر جولاۋشى تىرىدەي جانىپ كەتتى. ءورت سوندىرۋشىلەر مەن جەدەل جاردەم جەتكەنشە كولىك كۇلگە اينالعان دەپ حابارلايدى، “ادىرنا” ۇلتتىق پورتالى اstanatv-عا سىلتەمە جاساپ.
جانتۇرشىگەرلىك جاعداي شۋ قالاسىندا بولعان. ءبىر مەزەتتە 6 كولىك سوقتىعىسقان كورىنەدى. كۋاگەرلەردىڭ ايتۋىنشا، «مەرسەدەس-بەنتس» اۆتوكولىگى قاتتى جىلدامدىقپەن جۇيتكىپ كەپ، بۇرىلعالى تۇرعان فولكسفاگەن گولفقا سوققان. ونىمەن قوسا، سول جەردە تۇرعان تاعى بىرنەشە كولىك ءبۇلىندى. كولىك يەلەرى مەن بىرنەشە جولاۋشى ءتۇرلى جاراقاتپەن اۋرۋحاناعا جەتكىزىلگەن. ال جولاۋشىلاردىڭ ءبىرى-21 جاستاعى قىز كولىك ىشىنەن شىعا الماي قالىپ، ورتەنىپ كەتتى.
«اتالعان دەرەككە قاتىستى قر قك 345-بابىنىڭ 3-بولىگى بويىنشا سوتقا دەيىنگى تەرگەۋ امالدارى باستالدى. بىرقاتار ءتيىستى ساراپتاما رەتى تاعايىندالدى. قازىرگى ۋاقىتتا مەرسەدەس-بەنتس ماركالى اۆتوكولىگىنىڭ جۇرگىزۋشىسى ۋاقىتشا ۇستاۋ يزولياتورىنا قاماققا الىندى»، – دەدى جامبىل وبلىستىق پد باستىعىنىڭ ورىنباسارى جاسۇلان تانكەەۆ.
”ادىرنا” ۇلتتىق پورتالى
