Aqsu audany Taras auylynda köpten kütken medisinalyq punktı aşyldy, dep habarlaidy "Adyrna" tılşısı.
Osy uaqytqa deiın būl auyl tūrǧyndary 1973 jyly salynǧan ǧimaratta em-dom qabyldasa, endı olarǧa su jaŋa mekemede medisinalyq kömek körsetıledı. Tūrǧyndardyŋ quanyşty sätımen audan äkımı Esım Seiılhanūly, audannyŋ bas därıgerı Saltanat Myqtybaeva qūttyqtady.
Auyl halqynyŋ quanyşyn eselep, medisinalyq ortalyqtyŋ ırge tasynyŋ qalanuyan “Qydyrälı” şarua qojalyǧynyŋ jetekşısı Maqaşev Tölegen sep boldy. Jaŋa äleumettık nysannyŋ ışınde feldşerdık kabinet, ekpe bölmesı ornalasqan. Kabinetterdıŋ bärı de tolyqtai jabdyqtalyp, auyldaǧy 400 tūrǧynnyŋ barlyǧyna da qajettı medisinalyq kömek körsetuge saqadai sai.
- Endı mūnda kündelıktı densaulyǧyna şaǧymdanǧan jandarǧa kömek körsetıledı. Qandai da şūǧyl jaǧdai oryn alyp jatsa, kündız-tünı qyzmet körsetuge daiynbyz,- deidı medbike Aqmaral Nūralinova.Auyldaǧy medisinalyq punktınıŋ aşylǧanyna aimaqtyŋ qariialary dän riza. Endı olar kez kelgen mäsele boiynşa jergılıktı mamandarǧa jügıne alady. Aita keteiık, memleket qoldauynyŋ aiasynda Taras auylynda 2018 jyly jaŋa mektep paidanaluǧa berılse, ötken jyly auyldyŋ kırme joly jasalǧan.
Ūqsas jaŋalyqtar
