پاۆلوداردا 17 جىل بۇرىن قايتىس بولعان ادامدى "جۇمىسقا ورنالاستىرعان"

2104
Adyrna.kz Telegram

كەرەكۋدەگى جۇمىسپەن قامتۋ ورتالىعىنىڭ قىزمەتكەرى مارقۇم بولعان ادامدى "جۇمىسقا ورنالاستىردىق" دەپ ەسەپ بەرگەن. بۇل تۋرالى   "ادىرنا" پورتالى حابارلايدى . 

پاۆلادارداعى اتالعان مەملەكەتتىك مەكەمە ماماندارى قۇجات جۇزىندە 17 جىل بۇرىن كوز جۇمعان تۇرعىنعا جۇمىس تاۋىپ بەرىپتى. ءانونيمدى شاعىم تۇسكەن سوڭ جۇمىس توبى قۇرىلىپ، كەشەندى تەكسەرۋ جۇرگىزىلدى. ناتيجەسىندە ءوز ىستەرىنە سالعىرت قاراعان قىزمەتكەرلەردىڭ وسىعان ۇقساس تاعى بىرنەشە فاكتى انىقتالعان. زاڭعا سايكەس، ولقىلىققا جول بەرگەن ماماندارعا  قاتاڭ سوگىس جاريالاندى. ال مەكەمە ديرەكتورى ءوز ەركىمەن جۇمىستان كەتتى. ەكونوميكالىق تەرگەۋ دەپارتامەنتى مەن سىبايلاس جەمقورلىققا قارسى قىزمەت ماماندارى دا تەكسەرىس جۇرگىزىپ جاتىر.

"پروكۋرورلىق تەكسەرىس ناتيجەسىندە جۇمىسپەن قامتۋ ورتالىعىنىڭ قىزمەتىنە جاۋاپتى قالالىق الەۋمەتتىك باعدارلامالار ءبولىمىنىڭ باسشىسىنا قاتىستى شارا قولدانىلدى. ورتالىق ديرەكتورى، سەكتور مەڭگەرۋشىسى دە جازالاندى. ولارعا قاتىستى قاتاڭ سوگىس جاريالاندى",-دەدى  پاۆلودار قالاسى اكىمىنىڭ ورىنباسارى سۆەتلانا گلادىشەۆا

 

 

پىكىرلەر