Kerekýdegi jumyspen qamtý ortalyǵynyń qyzmetkeri marqum bolǵan adamdy "jumysqa ornalastyrdyq" dep esep bergen. Bul týraly "Adyrna" portaly habarlaıdy .
Pavladardaǵy atalǵan memlekettik mekeme mamandary qujat júzinde 17 jyl buryn kóz jumǵan turǵynǵa jumys taýyp beripti. Anonımdi shaǵym túsken soń jumys toby qurylyp, keshendi tekserý júrgizildi. Nátıjesinde óz isterine salǵyrt qaraǵan qyzmetkerlerdiń osyǵan uqsas taǵy birneshe fakti anyqtalǵan. Zańǵa sáıkes, olqylyqqa jol bergen mamandarǵa qatań sógis jarııalandy. Al mekeme dırektory óz erkimen jumystan ketti. Ekonomıkalyq tergeý departamenti men sybaılas jemqorlyqqa qarsy qyzmet mamandary da tekseris júrgizip jatyr.
"Prokýrorlyq tekseris nátıjesinde jumyspen qamtý ortalyǵynyń qyzmetine jaýapty qalalyq áleýmettik baǵdarlamalar bóliminiń basshysyna qatysty shara qoldanyldy. Ortalyq dırektory, sektor meńgerýshisi de jazalandy. Olarǵa qatysty qatań sógis jarııalandy",-dedi Pavlodar qalasy ákiminiń orynbasary Svetlana Gladysheva
