پاۆلوداردا جارناماعا بايلانىستى داۋ شىقتى، دەپ حابارلايدى "ادىرنا" ۇلتتىق پورتالى ۇلىسمەدياعا سىلتەپ.
قوعام بەلسەندىسى دياس قۇزايىروۆ قالاداعى ساۋدا ۇيلەرىنىڭ بىرىندە ىلىنگەن جارنامانى ۇلتتىق نامىسقا تيەتىن دۇنيە دەپ باعالادى. ونىڭ ايتۋىنشا، باننەردە ۇلتتىق كيىم كيگەن سيىر بەينەلەنگەن.
بەلسەندى مۇنى ۇلتتى قورلاۋ دەپ ەسەپتەپ، پوليتسيا مەن اكىمدىككە ارىز جازعان. ول ءوز وتىنىشىندە «جارناما تۋرالى» زاڭعا سۇيەنگەن. اتالعان زاڭنىڭ 7-بابىندا ەتيكاعا ساي كەلمەيتىن جارناما بەلگىلەرى كورسەتىلگەن. اتاپ ايتقاندا، ۇلتقا، تىلگە، الەۋمەتتىك جاعدايعا نەمەسە باسقا دا ەرەكشەلىكتەرگە قاتىستى قورلايتىن بەينەلەر مەن سالىستىرۋلارعا تىيىم سالىنعان.
«جانۋارعا قازاقتىڭ ۇلتتىق كيىمىن كيگىزۋ – بۇل ورەسكەل جاعداي. مۇنى ۇلتتىق كەمسىتۋ رەتىندە قابىلدايمىن»، – دەدى قۇزايىروۆ.
قازىرگى ۋاقىتتا اتالعان ماسەلەگە قاتىستى رەسمي ورگاندار تاراپىنان ناقتى جاۋاپ بەرىلگەن جوق.
