پاۆلوداردا دۇكەننەن تاۋىق-گريل مەن سالات العان 6 ادام ۋلانىپ قالدى. بۇل تۋرالى وبلىستىق سانيتاريالىق-ەپيدەميولوگيالىق باقىلاۋ دەپارتامەنتى مالىمدەدى، دەپ حابارلايدى «ادىرنا» ءتىلشىسى.
وقيعا ماۋسىم ايىنىڭ باسىندا بولعان. زارداپ شەككەندەردىڭ ىشىندە بالالار جوق.
«6 ادام ءبىر دۇكەننەن تاۋىق-گريل، كارتوپ، تۇزدىق، سالات، تورتتار ساتىپ الىپ، ۋلانىپ قالعان. تەكسەرىس بارىسىندا ساۋدا وبەكتىندە تاۋاردى تاڭبالاۋداعى سايكەسسىزدىك، باكتەريتسيدتىك شامنىڭ بولماۋى، ساۋدا جابدىقتارىن ۋاقتىلى تازالاماۋ سىندى بىرقاتار بۇزۋشىلىق انىقتالدى»،—دەلىنگەن حابارلامادا.
باسقارما قازىرگى تاڭدا دۇكەنگە قاتىستى اكىمشىلىك حاتتاما تولتىرىلىپ، سوتقا جىبەرىلگەنىن اتاپ ءوتتى.
بۇعان دەيىن كەنتاۋدا دامحاناداعى استان 100 ادامنىڭ ۋلانىپ قالعانىن جازعان ەدىك.
