Almatyda aǧaştardy örtegen azamattyŋ özı ört qyzmetkerı bolyp şyqty. Būl turaly QR Tötenşe jaǧdailar ministrlıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
"7 qyrküiekte YouTube-tegı "Bäse" arnasynda "Qazaqstandy Tötenşe jaǧdailar ministrlıgı örtep jatyr" degen beinerolik jariialandy. Onda Almatyda örtterdı ūiymdastyrǧan ört söndıru qyzmetınıŋ qyzmetkerı Janat Öteuliev ekenın körsetedı. Videoda körsetılgen azamat şynymen de Almaty qalasy Tötenşe jaǧdailar departamentı "Ört söndıru jäne avariialyq-qūtqaru jūmystary qyzmetı" MM № 5 mamandandyrylǧan ört söndıru bölımınıŋ qyzmetkerı ekenın habarlaimyz", - delıngen aqparatta.
Azamattyŋ jeke basy anyqtaldy, ol 1983 jyly tuǧan azamattyq qorǧau aǧa ört söndıru serjanty Öteuliev Janat Erǧaliūly bolyp şyqty. Azamattyq qorǧau organdarynda 2008 jyldan berı jūmys ısteidı.
"Tekseru ıs-şaralary barysynda Uteuliev J.E. qatty masaŋ küide bolǧandyqtan, aǧaştardy ne sebeptı örtegenın tüsındırıp bere almady. Qazırgı uaqytta qyzmettık tergeu ūiymdastyryldy", - dep qosty jauapty mekeme.
”Adyrna” ūlttyq portaly
