Almatyda aǵashtardy órtegen azamattyń ózi órt qyzmetkeri bolyp shyqty. Bul týraly QR Tótenshe jaǵdaılar mınıstrliginiń baspasóz qyzmeti málimdedi, dep habarlaıdy “Adyrna” ulttyq portaly.
"7 qyrkúıekte YouTube-tegi "Báse" arnasynda "Qazaqstandy Tótenshe jaǵdaılar mınıstrligi órtep jatyr" degen beınerolık jarııalandy. Onda Almatyda órtterdi uıymdastyrǵan órt sóndirý qyzmetiniń qyzmetkeri Janat Óteýlıev ekenin kórsetedi. Vıdeoda kórsetilgen azamat shynymen de Almaty qalasy Tótenshe jaǵdaılar departamenti "Órt sóndirý jáne avarııalyq-qutqarý jumystary qyzmeti" MM № 5 mamandandyrylǵan órt sóndirý bóliminiń qyzmetkeri ekenin habarlaımyz", - delingen aqparatta.
Azamattyń jeke basy anyqtaldy, ol 1983 jyly týǵan azamattyq qorǵaý aǵa órt sóndirý serjanty Óteýlıev Janat Erǵalıuly bolyp shyqty. Azamattyq qorǵaý organdarynda 2008 jyldan beri jumys isteıdi.
"Tekserý is-sharalary barysynda Ýteýlıev J.E. qatty masań kúıde bolǵandyqtan, aǵashtardy ne sebepti órtegenin túsindirip bere almady. Qazirgi ýaqytta qyzmettik tergeý uıymdastyryldy", - dep qosty jaýapty mekeme.
”Adyrna” ulttyq portaly
