قورشاعان ورتانى لاستاعانى ءۇشىن «قازازوت» مەكەمەسىنە 6 ملن تەڭگە كولەمىندە ايىپپۇل سالىندى، دەپ حابارلايدى«ادىرنا»تىلشىسى.
ماڭعىستاۋ وبلىسى باسقۇدىق اۋىلىنىڭ تۇرعىندارى اۋاداعى جاعىمسىز ءيستىڭ تارالۋىنا بايلانىستى «قازازوت»اق-نىڭ ۇستىنەن شاعىم تۇسىرگەن.
ەلدىڭ شاعىمىنا قۇلاق اسقان وبلىستىق ەكولوگيا دەپارتامەنتى «قازازوت» اق-عا جوسپاردان تىس تەكسەرۋ جۇرگىزىپ، اممياك كولەمى رۇقسات ەتىلگەن شەكتى كونتسەنتراتسيادان اسىپ كەتكەنىن انىقتادى.
«تەكسەرىس بارىسىندا قۇرامىندا اممياك بار سۋدى زاڭسىز اعىزۋ فاكتىسى انىقتالدى. بۇل جاڭادان سالىنعان «قازازوت» اق «زالالسىزداندىرۋ جانە بۋلانۋ ءبولىمى» نىسانىن پايدالانۋعا بەرىلگەن كەزدە ورىن الىپ وتىر. وسى فاكتىلەر بويىنشا دەپارتامەنت ماماندارى سۋ سىنامالارىن الىپ، اتموسفەرالىق اۋانى ولشەدى. جۇرگىزىلگەن تالداۋ ناتيجەسى سۋدىڭ قۇرامىنداعى زياندى زاتتاردىڭ جانە اتموسفەرالىق اۋاداعى اممياك نورمالارىنىڭ رۇقسات ەتىلگەن شەكتى كونتسەنتراتسيادان اسىپ كەتكەنىن كورسەتتى»- دەدى ماڭعىستاۋ وبلىستىق ەكولوگيا دەپارتامەنتى باسشىسىنىڭ ورىنباسارى ماقسات ايسين.
اتالعان ەكولوگيالىق زاڭنامانى بۇزۋ فاكتىلەرى بويىنشا «قازازوت» اق قر اقبتك-ءنىڭ 331-بابىنىڭ 1-بولىگى جانە 328-بابىنىڭ 1-بولىگى بويىنشا اكىمشىلىك جاۋاپكەرشىلىككە تارتىلدى.
سونداي-اق كاسىپورىنعا زاڭبۇزۋشىلىقتى جويۋ جونىندە نۇسقاما بەرىلدى.
