«ەگەمەن قازاقستان» رگ» جشس باس ديرەكتورى لاۋازىمىنا ديحان قامزابەكۇلى تاعايىندالدى، دەپ حابارلايدى «ادىرنا» ءتىلشىسى.
ديحان قامزابەكۇلى 1966 جىلى 19 ماۋسىمدا وڭتۇستىك قازاقستان وبلىسى تۇلكىباس اۋدانىندا دۇنيەگە كەلگەن. اباي اتىنداعى قازاق مەملەكەتتىك پەداگوگيكا ينستيتۋتىن قازىرگى اباي اتىنداعى قازاق ۇلتتىق پەداگوگيكا ۋنيۆەرسيتەتىن تامامداعان.
فيلولوگيا عىلىمدارىنىڭ دوكتورى، پروفەسسور، مەملەكەتتىك «دارىن» جاستار سىيلىعىنىڭ، قازاقستان رەسپۋبليكاسى جۋرناليستەر وداعىنىڭ سۇلتانبەك قوجانۇلى اتىنداعى سىيلىعىنىڭ، قازاقستان رەسپۋبليكاسى پرەزيدەنتى ستيپەندياسىنىڭ يەگەرى، قر ۇعا اكادەميگى.
1990-1996 جىلدارى قازاقستان رەسپۋبليكاسى ۇلتتىق عىلىم اكادەمياسى مۇحتار اۋەزوۆ اتىنداعى ادەبيەت جانە ونەر ينستيتۋتىنىڭ عىلىمي قىزمەتكەرى بولىپ ەڭبەك جولىن باستادى.
1996-2000 جىلدارى ل.ن.گۋميلەۆ اتىنداعى ەۋرازيا ۋنيۆەرسيتەتى قازاق ادەبيەتى كافەدراسىنىڭ مەڭگەرۋشىسى، 2000-2001 جىلدارى ل.ن.گۋميلەۆ اتىنداعى ەۋرازيا ۋنيۆەرسيتەتىنىڭ اعا عىلىمي قىزمەتكەرى، 2001-2004 جىلدارى قازاق ۇلتتىق مۋزىكا اكادەمياسى ءتىل جانە ادەبيەت كافەدراسىنىڭ مەڭگەرۋشىسى، 2004-2005 جىلدارى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى گۋمانيتارلىق ينستيتۋتىنىڭ ديرەكتورى قىزمەتتەرىن اتقارعان. 2005 جىلدان باستاپ ل.ن.گۋميلەۆ اتىنداعى ۇلتتىق ەۋرازيا ۋنيۆەرسيتەتىنىڭ وقۋ-ادىستەمەلىك جۇمىس جونىندەگى پرورەكتورى، ۋنيۆەرسيتەت جانىنداعى «الاش» مادەنيەت جانە رۋحاني دامۋ ينستيتۋتىنىڭ ديرەكتورى بولىپ قىزمەت ەتكەن.
«ادىرنا» ۇلتتىق پورتالى ديحان قامزابەكۇلىن جاڭا قىزمەتىمەن قۇتتىقتاپ، ساتتىلىك تىلەيدى!
