اتىراۋ وبلىستىق پەريناتالدىق ورتالىعىندا 22 جاستاعى ايانگۇل ءسابيتوۆا ۇشەمدى دۇنيەگە اكەلدى، دەپ حابارلايدى «ادىرنa» ءتىلشىسى.
8 قىركۇيەك - وتباسى كۇنى قارساڭىندا جارىق دۇنيە ەسىگەن اشقان نارەستەلەردىڭ ۇشەۋى دە ۇل. سابيلەردىڭ ەكەۋىنىڭ سالماعى 1 كەلى 800 گراممنان، ءۇشىنشىسى 2 كەلى 200 گرامم.
- قازىر ايەلدىڭ دە، بالالاردىڭ دا جاعدايى جاقسى. بالالار اناسىنىڭ قاسىنا شىعارىلدى. جاس انا بولعان سوڭ سابيلەردى باعىپ، ەم-دوم جاساۋعا ارنايى مەدبيكەلەر تاعايىندالدى. قازىرگى تاڭدا ولار اۋرۋحانادا دارىگەرلەردىڭ باقىلاۋىندا. ازىرگە قاشان شىعاتىندارى بەلگىسىز، دەدى ورتالىقتىڭ شالا تۋىلعان نارەستەلەر پاتولوگياسى، II كەزەڭ كۇتۋ بولىمشەسىنىڭ مەڭگەرۋشىسى تۇرلەن بەگەەۆا.
جاس انا جۇكتىلىكتىڭ 34 اپتاسىندا كەسىر تىلىگى ارقىلى ۇشەمدى دۇنيەگە اكەلدى. شۇعىل وتا ورتالىق ديرەكتورىنىڭ ورىنباسارى، بىلىكتى اكۋشەر-گينەكولوگ دارىگەر اسقار كەنجەعاليەۆتىڭ جەتەكشىلىگىمەن ءوتتى.
ايتا كەتەيىك، اتىراۋ وبلىسىندا 2022 جىلدىڭ 8 ايى ىشىندە 11 333 ءسابي دۇنيەگە كەلگەن.
