Atyraý oblystyq perınataldyq ortalyǵynda 22 jastaǵy Aıangúl Sábıtova úshemdi dúnıege ákeldi, dep habarlaıdy «Adyrna» tilshisi.
8 qyrkúıek - Otbasy kúni qarsańynda jaryq dúnıe esigen ashqan nárestelerdiń úsheýi de ul. Sábılerdiń ekeýiniń salmaǵy 1 keli 800 grammnan, úshinshisi 2 keli 200 gramm.
- Qazir áıeldiń de, balalardyń da jaǵdaıy jaqsy. Balalar anasynyń qasyna shyǵaryldy. Jas ana bolǵan soń sábılerdi baǵyp, em-dom jasaýǵa arnaıy medbıkeler taǵaıyndaldy. Qazirgi tańda olar aýrýhanada dárigerlerdiń baqylaýynda. Ázirge qashan shyǵatyndary belgisiz, dedi ortalyqtyń shala týylǵan náresteler patologııasy, II kezeń kútý bólimshesiniń meńgerýshisi Túrlen Begeeva.
Jas ana júktiliktiń 34 aptasynda kesir tiligi arqyly úshemdi dúnıege ákeldi. Shuǵyl ota ortalyq dırektorynyń orynbasary, bilikti akýsher-gınekolog dáriger Asqar Kenjeǵalıevtiń jetekshiligimen ótti.
Aıta keteıik, Atyraý oblysynda 2022 jyldyń 8 aıy ishinde 11 333 sábı dúnıege kelgen.
