اڭگىمە مەنىڭ ەلىم جايلى بولسا، بويىمدى باسقاشا ءبىر سەزىمدەر كەرنەيدى. كەيبىر ماسەلەلەرگە بايلانىستى پىكىرىمدى ەشكىمگە ايتا بەرمەيمىن. مۇمكىندىك بولسا، بارلىق جاعدايجا حالقىما قولىمنان كەلگەنشە كومەكتەسەمىن. بىراق قازىر ءوز ويىمدى اشىق ءبىلدىرۋدى ءجون سانادىم.
مەن ءوز وتانىمدى جاقسى كورەمىن. مەن ونى سانالى تۇردە جاقسى كورۋگە بارىنشا تىرىسامىن.
ورىندى جەردە سىن ايتامىن. مەن قازاقستاننىڭ ازاماتى رەتىندە توقاەۆ مىرزانى قولدايمىن. توقاەۆ — مەنىڭ پرەزيدەنتىم. مەن وعان الداعى ۋاقىتتا داۋىس بەرەمىن، سەبەبى ونىڭ كوزقاراسى مەن ۇستانىمىن قولدايمىن. نەگە دەيسىز عوي؟ سەبەپ مىنادا…
توقاەۆتىڭ مانسابىنا باسىنان كەدەرگى جاساعاندار كوپ. وعان ناقتى باسقارۋ جۇيەسىن بەرمەي، قولىن بايلاپ تاستادى. مۇمكىن سوندىقتان بولار، حالىق بيلىكتى كۇشپەن الۋعا تىرىستى. ەل دۇرلىگىپ، قانشاما ازامات قازا تاپتى. بۇل وقيعا بارلىعىنىڭ ەسىندە بولار.
قازىرگى تاڭدا قوستانايداعى الاپات ءورت قاساقانا جاسالدى دەگەن بولجام بار. نەلىكتەن؟ مەن وعان مىنانداي دالەلدەر تاپتىم:
1. توقاەۆ جولداۋدان ءبىر كۇن بۇرىن احمەت بايتۇرسىنوۆتىڭ مەرەيتويى تورعايدا تويلاناتىنىن مالىمدەدى;
2.1 قىركۇيەك كەزەكتەن تىس سايلاۋ تۋرالى حابارلادى;
3. 5 قىركۇيەكتە توقاەۆ ءوزىنىڭ كانديداتۋراسىن رەسمي تۇردە پرەزيدەنتتىككە ۇسىناتىنىن جەتكىزدى;
4. قىركۇيەك ايىندا ءورت شىعىپ، ول بىرنەشە كۇن بويى بۇكىل ايماقتى قامتىدى;
5. سايلاۋ ناۋقانى ازا تۇتۋ كۇنىنە تۇسپا-تۇس كەلدى;
6. ديۆەرسيا؟
اقىلدى ادامدار ساياساتتا كەزدەيسوقتىقتىڭ بولمايتىنىن ايتادى. ەندەشە بۇل دا كەزدەيسوقتىق ەمەس.
ءبىر قىزىعى، بۇگىن قازاقستان قوناق ۇيىندە دەموكراتيالىق كۇشتەر كواليتسياسىنىڭ وتىرىسى ءوتتى. وپپوزيتسيانىڭ تانىمال مۇشەلەرى جينالدى. ولار ناقتى كانديداتتى ۇسىنعان جوق، بىراق ولار سايلاۋعا بويكوت جاريالاۋدى شەشتى.
مەنىڭ پىكىرىمشە، توقاەۆ قازىرگى ۋاقىتتا سەنىمدى اقتاي الاتىن جالعىز ۇمىتكەر.
ول — اسكەتيست. ول — وتە اقىلدى ادام. ول — مەملەكەتتىك قىزمەتكەر.
ول بيلىكتىڭ جوعارعى ەشەلوندارىندا 25 جىل قىزمەت ەتتى، ءتىپتى پرەمەر-مينيستر قىزمەتىن اتقاردى. ونىڭ ەسىمى ەشقاشان كۇردەلى ىستەر مەن سوت پروتسەستەرىندە اتالعان ەمەس. KPMG حالىقارالىق ساراپشىلاردىڭ زەرتتەۋىنە سۇيەنسەك، 162 ادام قازاقستاننىڭ ءال-اۋقاتىنىڭ جارتىسىنا جۋىعىن يەلەنەدى. توقاەۆ بۇل بايلاردىڭ تىزىمىنە كىرمەيدى. ول — قاراپايىم.
ونىڭ رەفورمالارى بولاشاق دامۋدىڭ باعىتىنا وڭ اسەر ەتۋى مۇمكىن. بىراق مەن وعان سەنەمىن. چەرچيلل ءبىر كەزدەرى «ستالين رەسەيدى سوحامەن قابىلدادى، بىراق ونى اتوم بومباسىمەن قالدىردى» دەگەن ەدى. توقاەۆ تا قازاقستاندى ۇلكەن مولشەردەگى قارىزىمەن، سىبايلاس جەمقورلىقپەن، وليگوپوليامەن قابىلدادى. ءارى قاراي ونىڭ دامۋى مەن جەتىلۋىنە ۇلەس قوساتىنىنا سەنگىم كەلەدى. توقاەۆتىڭ بارلىق ارەكەتى حالىقتىڭ كوڭىلىنەن شىعا بەرمەيتىن شىعار. الايدا مەن ونى بارىنشا قولدايمىن.
ەلدەن ءسىز ءۇشىن نە ىستەي الاتىنىن سۇراماڭىز. الدىمەن ەلىڭىز ءۇشىن نە ىستەي الاتىنىڭىزدى وزىڭىزدەن سۇراڭىز. قازىر مەن بيلىكتى ونىڭ بارلىق كەمشىلىكتەرىمەن قولدايمىن. مۇمكىن مەن قاتەلەسەتىن شىعارمىن. بىراق پىكىر ءبىلدىرۋ — مەنىڭ كونستيتۋتسيالىق قۇقىعىم. بۇل ويىم دۇرىس پا، جوق پا، ۋاقىت كورسەتەدى.
ر. s. مەن ءىستىڭ بارلىعىن تەك سوزبەن تىندىرمايمىن.
(قوستانايعا قارجىلىق قولداۋ كورسەتتىم. حالىقتان كومەك جيناپ، زارداپ شەككەندەرگە جىبەرىپ جاتىرمىن. پرەزيدەنتتىك سايلاۋعا بارىپ، توقاەۆقا داۋىس بەرەمىن.
قوستاناي وبلىسىندا قايعىلى وقيعانىڭ قورقىنىشتى سالدارىن ازايتۋعا بولادى دەپ سەنەمىن. قازىر كومەك جولداندى، قونىس اۋدارۋ ماسەلەسى شەشىلۋدە. بارلىعى — مەملەكەت تە، كاسىپكەرلەر دە، بۇكىل حالىق تا ەلگە كومەكتەسەدى.
جازبا https://www.instagram.com/p/CiIGr7Rqeh2/?igshid=YmMyMTA2M2Y= پاراقشاسىنان
فوتو: azattyq.org
