جەتىسايداعى «كۇلپارشىن» ورتالىق بازارىنان 580 جۇك كولىگىمەن 3150 توننا قوقىس شىعارىلدى. جەكەمەنشىك بازار ءورت قالدىقتارىنان تازارتىلدى. بازاردى قالپىنا كەلتىرۋ جۇمىستارى ەكى اۋىسىمدا، تاۋلىك بويى جۇرگىزىلدى. تۇركىستان وبلىسىنىڭ اكىمى دارحان ساتىبالدىعا جەتىساي بازارىنىڭ بۇگىنگى جاعدايى باياندالدى. وبلىس اكىمى ناقتى تاپسىرمالار بەردى. اتالعان وقىس وقيعا قايتالانباۋى ءۇشىن اۋدان، قالالارداعى بارلىق بازارلاردىڭ تالاپقا ساي جۇمىس ىستەۋىن قاداعالاپ، قاۋىپسىزدىك شارالارىن تەكسەرۋدى تاپسىردى.
ورتەنگەن بازاردىڭ جاڭا جوباسى جاسالدى. ساۋدا نۇكتەلەرى قولايلى ءارى قاۋىپسىز ەتىپ سالىنادى. ونى تەزدەتىپ ىسكە قوسۋ ءۇشىن نىسان اۋماعى 6 سەكتورعا ءبولىنىپ، ءار سەكتوردا جەتىسايعا جاقىن ورنالاسقان ماقتاارال، سارىاعاش، كەلەس، شاردارا، جەتىساي جانە قازىعۇرت اۋداندارىنىڭ قۇرىلىسشىلارى جۇمىس ىستەيدى. بازاردىڭ ينفراقۇرىلىمى جاقسارىپ، جولى جوندەلەدى
– حالىقتىڭ مۇددەسىن قورعاۋ – ءبىرىنشى ماسەلە. سوندىقتان ورتتەن زارداپ شەككەن كاسىپكەرلەرگە كومەك كورسەتۋدى تەزدەتۋ كەرەك. جەڭىلدەتىلگەن نەسيە بەرۋدى شەشىپ، بانككە قارىزى بارلاردى قولداۋ قاجەت. قارىزدى قايتارۋ مەرزىمىن شەگەرۋ بويىنشا جۇمىس كۇشەيتىلسىن، – دەدى دارحان ساتىبالدى.
ورتەنگەن نىسان جانىنداعى جۇمىسى توقتاعان بازاردى ىسكە قوسۋ بويىنشا جۇمىستار جۇرگىزىلىپ جاتىر. كاسىپكەرلەر قالاۋى بويىنشا سوندا كوشىرىلەدى.
بازارعا ءورت قاۋىپسىزدىگى بويىنشا مامىر ايىندا تەكسەرۋ جۇرگىزىلىپ، بىرنەشە كەمشىلىك انىقتالىپ، ەسكەرتۋ جاسالعان. ءورت قاۋىپسىزدىگىنە بايلانىستى تالاپتار ساقتالماعان. وقىس وقيعاعا بايلانىستى پوليتسيا تاراپىنان تەرگەۋ ءجۇرىپ جاتىر. ءورت-تەحنيكالىق ساراپتاما، سوت قۇرىلىس ساراپتاماسى جۇرگىزىلدى. شۇعىل تەرگەۋ توبى قۇرىلعان.
ورتتەن 600-دەن استام ساۋداگەر زارداپ شەگىپ، مىڭنان استام ساۋدا نۇكتەسى جاپا شەككەن. كەلتىرىلگەن شىعىنداردى وتەۋ بويىنشا ارنايى قور قۇرىلدى.
