وبلىستا تابيعي ءورت شىقتى. قازىردىڭ وزىندە 2 مىڭ گەكتارعا جۋىق ورمان قورى ورتەنىپ كەتكەن. وقيعا ورنىندا 200-دەن استام ءورت ءسوندىرۋشى، حالىقتىق جانە ارنايى جاساقتاردىڭ ەرىكتىلەرى جۇمىس ىستەۋدە. ءورت ءالى اۋىزدىقتالمادى، دەپ حابارلايدى "ادىرنا" پورتالى.
قالىپتاسقان جاعداي پرەزيدەنتتىڭ جۇمىس كەستەسىنە وزگەرىس ەنگىزبەيدى - مەملەكەت باسشىسى 5 قىركۇيەك كۇنى تورعايعا جۇمىس ساپارىمەن بارادى.
"قازىر اۋليەكول اۋدانىنداعى ءورتتى ءسوندىرۋ ءۇشىن ءتيىستى جۇمىستار جۇرگىزىلىپ جاتىر. جاعدايدى وڭىرگە ارنايى بارعان توتەنشە جاعدايلار ءمينيسترى يۋري يلين باستاعان جەدەل توپ قاداعالاپ وتىر", - دەدى پرەزيدەنتتىڭ ءباسپاسوز حاتشىسى رۋسلان جەلدىباي.
"ادىرنا" ۇلتتىق پورتالى
