پەتروپاۆلدا 20 جاستاعى جۇمىسشى قۇرىلىس نىسانىندا كوز جۇمدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
«31 تامىز كۇنى پەتروپاۆل قالاسىنىڭ پوليتسيا باسقارماسىنا جامبىل كوشەسىندەگى قۇرىلىس نىساندارىنىڭ بىرىنەن ءۇش قىزمەتكەردىڭ دەنەسى تابىلعانى تۋرالى حابارلاما كەلىپ ءتۇستى. قۇرىلىس نىسانىنىڭ جانىنداعى سۋ قۇبىرى قۇدىقتارىن تازارتۋ كەزىندە 1994, 2002 جانە 2004 جىلدارى تۋعان ءۇش جۇمىسشى بۋلانۋدان زارداپ شەككەنى انىقتالدى. ولاردىڭ ءبىرى، 20 جاستاعى جىگىت، سول جەردە قايتىس بولدى. قالعان ەكى زارداپ شەگۋشى قالانىڭ مەديتسينالىق مەكەمەسىنە جاتقىزىلدى»،—دەلىنگەن حابارلامادا.
اتالعان فاكتى قر قك-ءنىڭ 156-بابىنىڭ 3-بولىگى “ەڭبەكتى قورعاۋ ەرەجەلەرىن بۇزۋ” بويىنشا سوتقا دەيىنگى تەرگەۋدىڭ بىرىڭعاي تىزىلىمىندە تىركەلدى. ساراپتاما تاعايىندالدى.
ءىستىڭ ءمان-جايلارىن زەرتتەۋگە باعىتتالعان تەرگەۋ ارەكەتتەرى جۇرگىزىلۋدە، ولاردىڭ ناتيجەلەرى بويىنشا تۇپكىلىكتى ءىس جۇرگىزۋ شەشىمى قابىلداناتىن بولادى. سونداي-اق جۇمىستاردى ورىنداۋ كەزىندە وندىرىستىك قاۋىپسىزدىك تالاپتارىن ساقتاۋ بويىنشا مەردىگەر ۇيىمداردىڭ كىناسى انىقتالادى.
