الماتىدا پوليتسيا قىزمەتكەرى دارەتحانا شۇڭقىرىنان الىپ شىققان بالا جانساقتاۋ بولىمىندە جاتىر. بۇل تۋرالى قالالىق پد-نىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
قۇتقارىلعان ءسابيدى كورۋگە اۋرۋحاناعا پوليتسيا كاپيتانى نۇرجان شاتۋنوۆ پەن پوليتسيا لەيتەنانتى عازيز حاماسقاليەۆ بارىپ قايتتى. دارىگەرلەر ونىڭ جاعدايىن بىرقالىپتى اۋىر دەپ وتىر.
"باتىردىڭ ءومىرى ءۇشىن، ءبىز ارىپتەستەرىمىزبەن ونى سولاي اتاپ كەتتىك، ۇزدىك دارىگەرلەردىڭ كۇرەسىپ جاتقاندىعىن بىلەمىز. ولارعا كوپ راحمەت. ول قازىر جانساقتاۋ بولىمىندە جاتىر. سابيگە قاجەتتى زاتتاردى الىپ كەلدىك. وعان زور دەنساۋلىق، ۇزاق عۇمىر تىلەيمىز", - دەدى تۇركسىب اۋداندىق پوليتسيا باسقارماسىنىڭ كامەلەتكە تولماعاندار ىستەرى جونىندەگى ۋچاسكەلىك ينسپەكتورى، پوليتسيا مايورى نۇرجان شاتۋنوۆ.
ەسكە سالايىق، جاڭا تۋعان نارەستەنى پوليتسيا قىزمەتكەرلەرى 25 تامىزعا قاراعان ءتۇنى الماتىنىڭ تۇركسىب اۋدانىندا قۇتقارىپ قالدى. 17 جاستاعى كەلىنشەك تۇسىك بولدى دەپ شاعىمدانىپ، سابيىنەن قۇتىلعان. الايدا ءتارتىپ ساقشىلارى ءسابيدى دارەتحانا شۇڭقىرىنان تاۋىپ الىپ، امان الىپ قالدى.
