قازاقستاندا سالافيزم مەن ۋاحابيزمگە زاڭدى تۇردە تىيىم سالۋدى تالاپ ەتىپ، پەتيتسيا جاريالاندى

2378
فوتو: Arnapress.kz
فوتو: Arnapress.kz

ميراس ەرمەكۇلى اتتى ازامات قازاقستاندا سالافيزم مەن ۋاحابيزمگە زاڭدى تۇردە تىيىم سالۋدى تالاپ ەتىپ، پەتيتسيا جاريالادى، دەپ حابارلايدى “ادىرنا” ۇلتتىق پورتالى.

“2020 جىلدىڭ قاڭتارىندا اقتاۋ جانە جاڭاوزەن قالالارىندا ۇقك قىزمەتكەرلەرى اقشا الۋ ءۇشىن بىرقاتار ۇرلاۋدى ۇيىمداستىردى دەگەن كۇدىكپەن ءسالافيزم دەسترۋكتيۆتى ءدىني اعىمىنىڭ جاقتاستارى توبىن ۇستاعانى حابارلانعان. 2018 جىلى قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى اتىراۋ وبلىسىندا سالافيتتەردىڭ اۆتوبۋس جۇرگىزۋشىلەرىنەن اقشا بوپسالاعانىن حابارلادى. سوڭعى 20 جىلدا مۇنداي جاڭالىقتار وتە كوپ، ونىڭ بارلىعىن ءتىزىپ شىعۋ مۇمكىن ەمەس.

2016 جىلعى 14 قازاندا ورتالىق كوممۋنيكاتسيالار قىزمەتىندە وتكەن بريفينگتە ءدىن ىستەرى جانە ازاماتتىق قوعام ءمينيسترى نۇرلان ەرمەكباەۆ ءسالافيزمدى ۇستانۋشىلار وزدەرىنىڭ يدەيالارى مەن قۇندىلىقتارىن ۇلتتىق سالت-داستۇرىمىزدەن، مادەني جانە رۋحاني قۇندىلىقتارىمىزدان جوعارى قوياتىنىن اتاپ ءوتتى. «سالافيزم – ۇيىم ەمەس، ءدىني اعىم جانە سەنىم جۇيەسى. بۇل ۇستانىمدى قازاقستان مۇسىلماندارى ءدىني باسقارماسى تولىق قولدادى.

ۋاحابيتتەردىڭ ماقساتتارى ۇلتتىق مۇددەلەرگە مۇلدەم قايشى كەلەدى جانە قازاقستاننىڭ تاۋەلسىزدىگىنە قاۋىپ توندىرەدى، دەپ حابارلايدى قازاقستان رەسپۋبليكاسىنىڭ رەسمي باق.

مىسالى، 1999 جىلى سودىرلار داعىستاننىڭ تاۋلى ايماقتارىنىڭ اۋماعىنا شابۋىل جاساعاننان كەيىن بۇل اۆتونوميانىڭ حالىق جينالىسى «داعىستان رەسپۋبليكاسىنىڭ اۋماعىندا ۋاحابيزمگە جانە باسقا دا ەكسترەميستىك ارەكەتتەرگە تىيىم سالۋ تۋرالى» زاڭ قابىلدادى. كەيىن وسىنداي زاڭداردى وزبەكستان مەن تاجىكستان دا قابىلدادى. قاڭتار ايى مۇنى قازاقستاندا جۇزەگە اسىرۋدىڭ ۋاقىتى جەتكەنىن كورسەتتى.

بۇل پەتيتسيانىڭ ماقساتى – قازاقستان رەسپۋبليكاسىنداعى قوعامنىڭ قاۋىپسىزدىگىن جانە كونستيتۋتسيالىق قۇرىلىستى قامتاماسىز ەتۋ، ءدىني ارازدىقتى قوزدىرماۋ. يسلام – بەيبىت ءدىن. ءبىز، قازاقستان رەسپۋبليكاسىنىڭ ازاماتتارى، قازاقستاندا سالافيزم مەن ۆاححابيزمگە زاڭدى تۇردە تىيىم سالۋدى تالاپ ەتەمىز!”، دەلىنگەن پەتيتسيادا.

 

”ادىرنا” ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket