نۇر-سۇلتاندا فۋتبولدان ايسۇلتان راحاتتى ەسكە الۋ ءتۋرنيرى ءوتتى. جىل سايىن ۇيىمداستىرىلاتىن تۋرنيرگە داريعا نازارباەۆا قاتىسىپ، جەڭىمپازدارىنا سىيلىقتار ۇلەستىرگەن، دەپ حابارلايدى “ادىرنا” ۇلتتىق پورتالى.
كتك ارناسىنىڭ مالىمەتىنشە، نۇر-سۇلتان، الماتى، قاراعاندىدان كەلگەن 9-11 جاس ارالىعىنداعى جاس سپورتشىلاردىڭ جارىسى “استانا ارەنا” ستاديونىندا وتكەن. جارىسقا 150-گە جۋىق بالا كەلگەن.
ەكى كۇنگە سوزىلعان تۋرنيردە "استانا" بالالار فۋتبول كلۋبى جەڭىسكە جەتكەن. ءتۋرنيردىڭ كۇمىس جۇلدەسىن قاراعاندىلىق "شاحتەر" كومانداسى، ال قولا جۇلدەنى الماتىلىق "قايرات" جەڭگەن.
سيۋجەتتە قازاقستاننىڭ ەكس-پرەزيدەنتىنىڭ قىزى داريعا نازارباەۆانىڭ جۇرگەنىن كورۋگە بولادى. ول جارىستا جەڭىسكە جەتكەن بالالارعا سىيلىقتار بەرىپ، بىرگە ەستەلىككە سۋرەتكە تۇسكەن.
ايتا كەتەيىك، ايسۇلتان راحات (نازارباەۆ) – مارقۇم راحات اليەۆ پەن داريعا نازارباەۆانىڭ ۇلى. ايسۇلتان 2020 جىلدىڭ 16 تامىزىنا قاراعان ءتۇنى لوندوندا قايتىس بولدى.
