Nur-Sultanda fýtboldan Aısultan Rahatty eske alý týrnıri ótti. Jyl saıyn uıymdastyrylatyn týrnırge Darıǵa Nazarbaeva qatysyp, jeńimpazdaryna syılyqtar úlestirgen, dep habarlaıdy “Adyrna” ulttyq portaly.
KTK arnasynyń málimetinshe, Nur-Sultan, Almaty, Qaraǵandydan kelgen 9-11 jas aralyǵyndaǵy jas sportshylardyń jarysy “Astana Arena” stadıonynda ótken. Jarysqa 150-ge jýyq bala kelgen.
Eki kúnge sozylǵan týrnırde "Astana" balalar fýtbol klýby jeńiske jetken. Týrnırdiń kúmis júldesin Qaraǵandylyq "Shahter" komandasy, al qola júldeni almatylyq "Qaırat" jeńgen.
Sıýjette Qazaqstannyń eks-prezıdentiniń qyzy Darıǵa Nazarbaevanyń júrgenin kórýge bolady. Ol jarysta jeńiske jetken balalarǵa syılyqtar berip, birge estelikke sýretke túsken.
Aıta keteıik, Aısultan Rahat (Nazarbaev) – marqum Rahat Álıev pen Darıǵa Nazarbaevanyń uly. Aısultan 2020 jyldyń 16 tamyzyna qaraǵan túni Londonda qaıtys boldy.
